за

Volkswagen не е заинтересиран за спојување со Fiat

Групацијата Volkswagen нема планови да преговара за спојување со Fiat, коментираше шефот Матијас Милер на изјавите на неговиот италијански колега на салонот во Женева.

Волфсбург е следната адреса на којашто шефот на италијанско-американскиот концерн Fiat Chrysler се обидува да најде партнер за соработка. Серџо Маркијоне пред медиумите на салонот во Женева изјави дека Volkswagen е добар потенцијален партнер и може да биде заинтересиран за спојување со неговата компанија. Шефот на Volkswagen, Матијас Милер, на тоа одговори дека германската групација не е заинтересирана за преговори за спојување или какви било други предлози од Маркијоне.

Италијанскиот шеф веќе неколкупати беше одбиен од General Motors, чијашто европска марка Opel од минатата недела е во сопственост на групацијата PSA.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Екс-дизајнерот на BMW седнува на цртачката табла во Infiniti

Lexus го потврди серискиот старт на UX