за

Volkswagen го купи сервисoт за безготовинска наплата на паркинг PayByPhone

Одделот за финансиски услуги на Volkswagen е нов сопственик на PayByPhone, водечкиот сервис во светот за безготовинска наплата на паркинг. PayByPhone има седиште во канадскиот Ванкувер и присутен е со своите услуги во САД, Франција, Велика Британија, Швајцарија и Австралија.

Со преземањето на канадската компанија, Volkswagen станува водечки светски понудувач за трансакции и мобилна наплата на услуги за паркирање. PayByPhone располага и со иновативна технологија, којашто овозможува едноставно користење на услугите преку апликација за мобилен телефон.

Паркирањето и наплатата честопати се комплициран и долготраен процес, и слаба точка во повеќето европски и светски градови. За секој автомобил постои потреба од паркирање. „Од тие причини сакаме на нашите корисници да им понудиме комфорно дигитално решение со коешто значително се поедноставуваат паркирањето и наплатата“, објаснуваат од Volkswagen.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Одбележување на 50-годишнината на Ferrari во Јапонија со ексклузивниот J50

Третман со свежи клетки за Toyota Auris во новото моделско годиште