149
20 shares, 149 points

Индустриските гиганти Thyssenkrupp и Voestalpine пробуваат производството на челик да го направат помалку штетно за животната средина и изградија пилот-постројка којашто користи водород како енергенс.

Австрискиот технолошки концерн Voestalpine и германскиот производител на челик Thyssenkrupp планираат производството на челик го направат помалку штетно за животната средина, користејќи водород. Најголемата германска челичарница денес започна со пилот проект во фабриката во Дуизбург, со тоа што дел од јагленовиот прав е заменет со водород во една од високите печки. Тоа е првпат во светот да се користи водород место јаглен во активна висока печка. На крајот на производството се добива „зелен челик“.

Voestalpine исто така стартуваше пилот-постројка во австрискиот Линц, којашто е дел од проект вреден 18 милиони евра. Станува збор за најголемиот систем за добивање водород по пат на електролиза, со цел да се постигне производство на челик без емисија на СО2. Концернот пробува дали може да користи хибридна технологија, со комбинирање на високи печки на кокс и јаглен, со електролачни печки што работат на струја и водород добиени од обновливи извори.

Енергија од обновливи извори е основен предуслов

Цел на Voestalpine е емисијата на СО2 да ја смали за една третина во следните 15 години. Услов за тоа е доволно енергија од обновливи избори да стои на располагање по достапни цени.

Во постројката во којашто се користи техника од Siemens AG, водата се раздвојува на основните состојки водород и кислород со помош на обновлива енергија. Водородот во подолг рок ќе ги замени енергенсите од фосилно потекло.

Toyota си произведува и водород за своите водородни возила

 


Ти се допаѓа? Сподели со пријателите!

149
20 shares, 149 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *