153
24 shares, 153 points

Релито за богатите и славните во должина од 3.000 милји официјално стартуваше во Лондон. Музичарот Ашер го одбележа стартот на Гамбол 3000, но внимание привлече и неговиот автомобил – BAC Mono

Популарниот Ашер и автомобилот BAC Mono го привлекоа главното внимание при стартот на релито Гамбол 3000 во Лондон. Повеќекратниот добитник на Греми го избра автомобилот на британската Briggs Automotive Company или кусо BAC за учество на годинешното „фалбаџиско“ рели, коешто има рута од 3.000 милји или над 4.800 километри низ Европа и Азија. Крајното одредиште е Токио.

гамбол 3000 ашер 1

BAC Mono е единствениот едносед којшто може да се регистрира за нормален сообраќај и не изненадува тоа што се најде во центарот на вниманието. Уникатната тркачка машина за по улица стекна уште поголем публицитет со американскиот музичар зад воланот.

Гамбол 3000 годинава завршува во Токио: Во 2007 година, релито имаше кобен исход на пат покрај Струга

Пејачот на ‘U Remind Me’, ‘Yeah’ и ‘Confessions’ е докажан бензински зависник, со огромна и скапоцена колекција од автомобили и мотоцикли. Гамбол 3000 привлекува сé повеќе внимание од година в година, што се потврдува и со сé почестото појавување на најголемите ѕвезди од светската сцена.

Релито завршува на 12-ти август во Токио. Пристигањето на учесниците ќе биде одбележано со богата програма од забави, вечери и јавни настани.

Пред единаесет години, релито водеше покрај Струга, кадешто британскиот државјанин Николас Морли предизвика сообраќајна незгода во којашто загина македонска брачна двојка.

http://www.dailymail.co.uk/news/article-1068776/Killer-drivers-playboy-brother-held-police-120mph-pursuit-Italy.html


Ти се допаѓа? Сподели со пријателите!

153
24 shares, 153 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *