за

Унгарија издвои 14 мио. € за субвенции за електрични возила

renault zoe vulog
renault zoe vulog

Унгарските власти ќе ја поттикнуваат продажбата на електрични автомобили и мопеди со буџет во висина од 14,3 милиони евра.

Со најмногу 7.200 евра по возило ќе учествува унгарската држава во цената на електричните автомобили со вредност до 31.000 евра. Во случај возилото на струја да биде поскапо, меѓу 31.000 и 43.000 евра, тогаш субвенцијата е помала и изнесува 1.400 евра. Такси компаните исто така ќе имаат интерес да преминат на погон на струја, бидејќи властите ќе им покријат до 55 проценти од цената на возилото.

Мерката се донесува во согласност со Акцискиот план за заштита на климата и животната средина, со цел да се овозможи, електричните возила да бидат достапни за поширок круг купувачи. Соодветно на тоа и субвенциите се повисоки за ценовниот сегмент со кого што се покрива поширок круг купувачи.

Сопствениците на мали бизниси, особено за достава на пратки, ќе можат да набават електрични мопеди, со тоа што државата ќе покрие 55% од набавната цена, во случај таа да се движи меѓу 285 и 2.850 евра.

Поднесувањето на барањата стартува на 15-ти јуни и ќе трае до 1-ви јуни 2022 година, односно до исцрпувањето на издвоениот буџет за таа намена.

Меѓу бројните мерки што се однесуваат на поттикнувањето на електромобилноста во земјата, по 2022 година ќе се дозволуваат само електрични автобуси во градскиот превоз, за што се предвидени уште 10,3 милиони евра.

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Avatar

Вашата адреса за е-пошта нема да биде објавена. Задолжителните полиња се означени со *

Неисправни возила се враќаат на патиштата предупредуваат Британците

Неисправни возила се враќаат на патиштата, предупредуваат Британците

Руските фабрики во април произвеле само 30.000 возила

Руските фабрики во април произвеле само 30.000 возила