119
17 shares, 119 points

Името му е Scrambler, Triumph Scrambler. Уште пред новиот филм за Џејмс Бонд, „No Time to Die“ да се појави во кино салите во ноември, британскиот производител на мотоцикли го нуди Scrambler 1200 во посебна изведба „Bond Edition“.

Колекционерскиот модел ќе се изработи во серија од само 250 примероци. Мотоциклот се одликува со посебни детали, како натпис „007“ на местото за поставување на стартен број врз издувниот лонец и на левиот страничен капак, како и со седиштето од вистинска кожа и голем број делови што се елоксирани во црна боја, во комбинација со златни акценти. Бојата е иста како кај мотоциклот што Даниел Крег го вози во филмот.

Останати детали се магленки со заштитна маска елоксирана во црна боја, издувен лонец од Arrow со делови од карбон, плус решетка за предното светло од благороден челик. На сопственикот, при предавањето на мотоциклот му се врачува и специјален пакет од „Бонд“.

Triumph Scrambler 1200 Bond Edition стартува со продажба во јуни.


Ти се допаѓа? Сподели со пријателите!

119
17 shares, 119 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *