за

Новата Toyota Yaris е создадена да владее во градот

Toyota Yaris
Toyota Yaris

Денес е многу поедноставно да се создаде СУВ, отколку да се осмисли добар автомобил за градското секојдневие и за повремено патување. Во Toyota знаеме дека го обожуваат предизвиците од секаков вид, па и овој. Во време кога свежи пристигаат Peugeot 208, Opel Corsa и Renault Clio, Јапонците ценат дека нивниот концепт е подобар, па речиси ненадејно го претставуваат Yaris. Дали меѓу градските автомобили ќе се случи истиот пробив како што Corolla го постигна тоа меѓу компактите?

Купувачите на возило од градската или компакт класата денес имаат најголеми очекувања од својот автомобил. Тој треба лесно и брзо да се пробива низ градскиот метеж, да изгледа привлечно, да биде практичен, да се паркира во еден потег, па и да биде комфорен ако се патува подалеку. Во исто време, а можеби и најважно од сé, трошоците за одржување треба да бидат ниски, а безбедноста највисока колку што може.

Новата Toyota Yaris е прв градски автомобил што ја следи платформската стратегија TNGA, односно прв модел што ја користи новата варијанта на платформата GA-B. Има и нови трицилиндарци, а за хибридната варијанта воопшто и не треба да има сомнеж дека останува во понуда. Таму исто така има новитет, хибридниот погон на Toyota во меѓувреме созреа до четвртата генерација.

New photo by Automedia MK / Google Photos

Активни и пасивни системи за асистенција пристигаат од Corolla, којашто поставува веројатно највисоки стандарди во тој поглед во компакт класата. Toyota не се воздржува да најави веднаш дека Yaris е меѓу најбезбедните модели во својата класа.

Во продолжение го објавуваме првиот сет фабрички фотографии, повеќе информации во наш стил ќе следат наскоро.

New photo by Automedia MK / Google Photos
New photo by Automedia MK / Google Photos

Новата Toyota Yaris, но ќе ѝ личеше и таа да биде Starlet

…и токму кога се чинеше дека целата сцена во класата на градските автомобили ќе им припадне на Peugeot 208 и Renault Clio, доаѓа Yaris. Ќе имаме ли и тука враќање на името во Starlet, како што беше случај со Auris –>> Corolla. Инаку, смалена Corolla, веројатно најголемото изненадување годинава

Posted by Automedia.mk on Wednesday, October 16, 2019

 

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Nio es6 pocetok proizvodstvo

Кинескиот пазар за електрични автомобили се скуси за третина

BMW серија 2 Gran Tourer

Серијата 2 на BMW отсега вози и како Gran Coupe