159
21 shares, 159 points

Соларни модули на покривот на фабриката Мотомачи создаваат струја за електролизата преку којашто се добива чист водород, којшто на крај се полни во фабричките вилушкари. Комплетно заокружен систем.

Toyota започна со самостојно производство на водород за сопствените потреби, со користење на стопроцентна енергија од обновливи извори. Во фабриката Мотомачи (од кадешто меѓу другото излегуваат Lexus LS, LC & Co.) во префектурата Аичи, јапонскиот производител на автомобили инсталираше нов систем, кој е наречен Simple Fuel. Името можеби е „едноставно“, но не и функцијата. Уредот се користи за производство, акумулирање и достава на водород за возилата што го користат овој гас како погонско гориво. Струјата доаѓа од соларните модули на покривот на фабриката.

Сончевата енергија обезбедува енергија за уредот, којшто по пат на електролиза ја разложува водата на водород и кислород. Дневно се произведуваат до 8,8 килограми водород, кои потоа се компримираат и се чуваат под притисок. Со оваа количина може да се снабдуваат седум до осум вилушкари со погон на водород, кои се користат во фабриката. Simple Fuel е компактен и поради тоа не претставува проблем да се постави во фабриката.

Со цел да ја намали емисијата на СО2 во производството, Toyota постепено ги заменува обичните вилушкари со такви што користат горивна ќелија. Моментно во Мотомачи работат 22 водородни вилушкари од сопственото производство на Toyota. Тие се дел од иницијативата на јапонското министерство за животна средина, со којашто се предвидува до крајот на годинава да се придружат уште 50 возила. Simple Fuel исто така е дел од програмата.

Која е најстарата генерација на Toyota Corolla што ја знаете „во живо“?

Сега станува сериозно: Toyota Camry пристигна во Македонија

Шимојама е местото кадешто се создава совршена Toyota

Toyota вложува 1 млрд. долари во роботските возила на Uber


Ти се допаѓа? Сподели со пријателите!

159
21 shares, 159 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *