129
18 shares, 129 points

Toyota Prius во плагин-хибридна изведба и со неколку соларни панели врз каросеријата наскоро ќе започне со тестирање. Целта е да се провери дали и колку панелите ќе ја подобрат ефикасноста на кралот на хибридите.

Во соработка со производителот на батерии Sharp и компанијата за истражување и развој Nedo е изработена посебна серија прототипи од Toyota Prius Plug-in Hybrid, со соларни панели што се поставени врз каросеријата. Тестирањето започнува веќе во текот на јули.

Соларните ќелии ги испорачува Sharp и истите постигнуваат ефикасност од 34%, што е значително подобро во споредба со постарите генерации на панели. Модули со овие соларни ќелии се поставени на покривот, на хаубата, на задниот капак и на други делови на Prius во изведба со плагин-хибриден погон.

Петпати поефикасните соларни панели овозможуваат батеријата на Toyota Prius PHV да се полни и при возење, не само во мирување

Поради поголемата површина и повисоката ефиасаност се постигнува трајна моќност на соларниот систем од 860 вати. Тоа е околу петпати подобро во споредба со постоечката изведба на Toyota Prius Plug-in Hybrid (официјално се води како Prius PHV) со опција за соларен покрив. Предноста е во тоа што батеријата сега може да се полни и при возење, не само во мирување. Тестирањето треба да докаже колку тоа ќе влијае врз намалувањето на потрошувачката на гориво на автомобилот.

Пробните возења ќе се вршат во Тојота Сити, Токио и други региони.

New photo by Automedia MK / Google Photos


Ти се допаѓа? Сподели со пријателите!

129
18 shares, 129 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *