Дарко Јаконов
Поради можноста за оштетување на кабел и создавање краток спој, Toyota повикува еден милион автомобили со хибриден погон. Станува збор за Toyota C-HR и Toyota Prius, модели што се продаваат и на македонскиот пазар
Милионскиот сервисен повик се однесува на возилата што се продадени на пазарите во Европа, Јапонија и Северна Америка. Најголемиот дел од возилата се на јапонскиот пазар, кадешто повеќе од половина милион сопственици на хибридните модели на Toyota мораат итно да ги посетат сервисните работилници на марката.
Утврдена е опасност од оштетување на кабел во хибридниот систем, под дејство на триење, поради што може да се создаде краток спој, а со тоа и пожар на целото возило. Засега не се наведуваат случаи во коишто возила биле опожарени поради овој проблем
Сервисниот повик се однесува на Toyota Prius и Toyota C-HR произведени меѓу 2015 до 2018 година
Познати светски медиуми во меѓувреме објавуваат за случајот во Јапонија, во когошто навистина се случил пожар на хибриден автомобил на Toyota. При посетата на сервисната работилница ќе се проверува дали е оштетен кабелот, односно ќе се утврди дали истиот треба да се замени. Во некои случаи ќе се постави дополнителна изолација на кабелот.
Без врева, а ги има 15 на број: Овие Мерцедеси возат со две срца
Луксуз е да возиш хибриден BMW што заштедува 1000 евра годишно
