127
30 shares, 127 points

Големо изненадувања од Toyota за отворањето на салонот во Шангај. C-HR е првото „батериско“ возило на марката кое ќе стартува со продажба на кинескиот пазар под марката Toyota.

Со премиерата на електричната изведба на C-HR на салонот во Шангај, Toyota започнува со остварување на планот да претстави на светскиот пазар десет автомобили со погон на батерија до 2025 година. Целта е до крајот на следната декада да се постигне глобална продажба од 5,5 милиони возила со електрифицирана погонска спрега.

До крајот на февруари годинава, Toyota продаде близу 13 милиони хибридни возила и воопшто возила со електрифицирана погонска спрега, откако првата генерација на Prius стартуваше во 1997 година. Сиот овој возен парк досега ја поштедил земјината топка од 103 милиони тони СО2.

New photo by Automedia MK / Google Photos

Лани во ноември, Јапонците излегоа со нов концепт за мобилност, кој обединува електричен погон, интелигенција и „информатизација“, сето тоа претставено преку e-Palette. Намерата е овој концепт да стане дел од Олимпијадата во Токио во 2020 година, а потоа да ги примени стекнатите искуства за да понуди следна еволуција на концептот за Зимската Олимпијада во Пекинг во 2022 година.

Поимот „прво електрично возило“ е релативен кај Toyota – Mirai исто така е електричен автомобил, но место батерии, има резервоари со водород

Toyota пред две години стартуваше со демо-возења со Mirai во Кина. Моментно се разгледува можноста за локално производство на FC Coaster, кој е уште еден модел на Toyota со погон на водород – и кој исто така спаѓа под возила со електричен погон.

Заедно со електричната изведба на Toyota C-HR, во Шангај беше прикажана и локално произведуваната изведба од партнерот FAW. Техничките детали засега не се познати. Продажбата ќе започне во 2020 година, прво на кинескиот пазар.


Ти се допаѓа? Сподели со пријателите!

127
30 shares, 127 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *