144
19 shares, 144 points

Toyota Aygo од летово ќе биде достапен во освежено моделско годиште. Врвот во гамата на Aygo ѝ припаѓа на изведбата x-JBL, со врвно озвучување со 600 вати. Во стандардната опрема на оваа верзија влегува и пакетот безбедносни системи Toyota Safety Sense, па и автоматска клима.

Примероците од Toyota Aygo што ќе почнат да се испорачуваат во јуни, стандардно ќе поседуваат радио со DAB+ за врвен квалитет на звук. Покрај тоа, сите моделски изведби ќе ја исполнуваат издувната норма Euro 6d-ISC-FCM, којашто ќе биде задолжителна од јануари 2021 година. Темпераментиот трицилиндарец со зафатнина од 1,0 литар и моќност од 72 КС, ценет е по релативно динамичните перформанси, во комбинација со ниска потрошувачка на гориво.

Во земјите во коишто е достапно MyT Connected Services, корисниците ќе можат да ја користат апликацијата за iOS и Android за да го лоцираат возилото, а истата ќе им служи и како навигатор при одење пеш. Преку апликацијата може да се добие и преглед на податоците од возењето, како што е брзината, забрзувањето или километражата, а се добива и увид во датумот на следниот сервис.

New photo by Automedia MK / Google Photos

Корисна опција со MyT Connected Services е пристапот до ACN (Automatic Crash Notification) и до сензорите што регистрираат потрес на возилото. Доколку возило удри во Aygo на паркиралиште, сопственикот ќе добие навремено известување за тоа преку апликацијата MyT за да може да интервенира.

За верзијата Aygo x-clusiv, отсега може да се избираат и други комбинации од бои, покрај кјото-сина со покрив во црна боја. Меѓу комбинациите се кармин-црвена со црн покрив или полноќно-црна со покрив во кармин-црвена боја. Уште една интересна опција за оваа ексклузивна изведба на Aygo е Red-Pack Canvas, со каросерија во црна боја и електричен платнен покрив во црвена боја.

New photo by Automedia MK / Google Photos

Еден тест од многу одамна…

 


Ти се допаѓа? Сподели со пријателите!

144
19 shares, 144 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *