125
17 shares, 125 points

Одделението за мотоспорт Toyota Gazoo Racing ќе биде спонзор на електронското издание на светското првенство во рели WRC. Актуелната WRC 8 ќе се одржува под покровителство на спортскиот тим на Toyota, исто како и следната серија, базирана врз видео-играта WRC 9 што е најавена за септември.

Учесниците во електронското издание на светското првенствно во рели отсега ќе имаат уште посилен мотив за победа. Во соработка со Nacon, фирмата што е издавач на официјалната видео-игра, победникот во eWRC ќе освои нов Toyota GR Yaris.

Овој градски тркач е развиен со учество на одделението за мотоспорт на Toyota и користи технологии што се испробани и докажани во шампионатот во рели. Екстремниот спортист во гамата на новиот Yaris располага со нов 1,6-литарски турбо бензинец со 261 КС, со кого спринтот до темпо сто трае 5,5 секунди.

Шампионатот eSports WRC привлекува сé повеќе натпреварувачи, кои го прифаќаат предизвикот да се натпреваруваат во светски рамки. Тековната, петта сезона, завршува во октомври. На големото финале ќе се прогласи севкупниот победник и освојувач на наградата во форма на Toyota GR Yaris. За повеќе детали за натпреварот: https://www.wrc.com/en/more/gaming/esports-wrc/.


Ти се допаѓа? Сподели со пријателите!

125
17 shares, 125 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *