130
26 shares, 130 points

На салонот во Париз сите рефлектори светат исто. Полираните каросерии создаваат ист одблесок, за купувачите, критичарите и конкуренцијата да подзамижат. Ние ги ставивме очилата на реалноста и ги избравме нашите Топ 5 погодоци и утки на салонот

Големи ветувања, уште поголеми очекувања, марки што одбележуваат вековни и полувековни јубилеи, најави за иднината. Иако годинава е значајно смален бројот на изложувачи на автомобилскиот мондијал во Париз, значењето на салоните не е намалено. Сите марки и сите чинители на светската автомобилска сцена, сакаат преку своето присуство во халите покрај Сена да ја пренесат својата порака до светот. Ние си дозволуваме да провериме колку тие поираки се „искрени“.

Топ 5 Погодоци на салонот во Париз

Skoda Vision RS

Skoda Vision RS

Модел од Skoda кој ќе биде преблизу до Golf не смее да постои? Тоа важело некогаш порано. Наследникот на Rapid Spaceback се наѕира во овој автомобил, што на салонот се води како концепт. Со нормални светла, нормални бандажи и уште неколку детали во нормала, во Skoda Vision RS веќе се гледа серискиот модел. Динамичен, со убедлив стил, спортски, стегнато. Браво.

Peugeot e-Legend Concept

Peugeot e-Legend Concept top

За овој автомобил се зборува најмногу на салонот, најмногу се фотографира и посетителите најчесто се навраќаат да го погледнат уште еднаш. Пораката сите ја разбраа. Peugeot, го очекуваме купето од 508, во традиција на 504. На Peugeot 406, исто така.

Renault, визии и историски наврати

Renault EZ-Pro top

Традиција од 120 години не се купува, туку се создава и се негува. Со три визионерски автомобили, преку коишто Французите верно го прикажуваат тоа што ни претстои во иднината.

Седма генерација на BMW од серијата 3

BMW Serija 3

Овој автомобил се појавува по седми пат во ново издание пред светот и секогаш му успева да го понуди најдоброто, нешто што ангажираните возачи можат реално да го посакуваат.

Mercedes B-Class

mercedes b-class top

Затоа што македонскиот дизајнер Славче Таневски има удел во изгледот на новата генерација на ванот.

Топ 5 утки на салонот во Париз

Големи СУВ-модели од кинески марки

SUV GAC

Веќе станува заморно на големите европски салони да се среќаваат големи СУВ-модели под логоа на кинески марки. Купувачите ги обожуваат СУВ-автомобилите и заради имиџот. Тука спаѓа и марката. Пониска цена и побогата опрема, за поубедлива противвредност, „не пали“.

Виетнамската марка излезе дека е ѕвезда во Париз?

vinfast

Vinfast е уште една ветена приказна? Супермоќен инвеститор во земја што нема искуство во производството на автомобили плаќа баснословни суми за мисијата на група „врвни“ автомобилски експерти, коишто марката ќе ја издигнат во светска марка. Се плаќаат скапи настапи на салони, титули на „најдобар светски автомобил на годината“, за потоа да следи масовно рекламирање, создавање скапа дилерска и сервисна мрежа … купувачите и натаму ќе ја игнорираат марката, од централата ќе следи уште една, двојно поголема доза на финансиска инјекција … Веќе видено. И култниот DeLorean беше таква приказна.

Toyota Corolla Hybrid, Toyota Corolla TS Hybrid, Toyota Camry Hybrid, RAV4 Hybrid…

Toyota Camry Hybrid top

Хибрид, хибрид, хибрид, хибрид … што е ново? Името Toyota обврзува секогаш да се понуди нешто ново.

DS 3 Crossback

DS 3 Crossback top

Peugeot има таков модел во понудата, Opel има таков модел во понудата, зошто и премиум марката DS, којашто се повикува на иноваторското гение на Андре Ситроан и на култот на „ајкулата“, да нема таков модел во понудата?

Hyundai i30 Fastback N

Hyundai i30 Fastback N top

Варијантата Fastback очигледно е замислена да ѝ парира на Skoda Octavia. Тоа е многу амбициозно. А сега, спортската верзија N треба да се спротивстави на имиџот на Skoda Octavia RS?

Ретро и електро на салонот во Париз

Новитетите на автосалонот во Париз


Ти се допаѓа? Сподели со пријателите!

130
26 shares, 130 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743