133
36 shares, 133 points

Големите автомобилски салони го изгубија значењето што некогаш го имаа кај производителите. Тоа е убедувањето откако повеќе автомобилски марки пред неколку години почнаа да се откажуваат од настап во Франкфурт, Женева или Париз. Но, тоа што се случува деновиве на салонот покрај Лак Леман покажува друга слика. Салоните и натаму им се особено важни на производителите на автомобили. Тука се гради имиџот, тука се освојуваат купувачите. Некои марки сепак пропуштаат да се покажат во добро светло пред публиката, исто како и пред конкурентите. Во овој Топ 10 го издвојуваме тоа што редакцијата на Automedia го виде како најголем погодок или како најголема утка на салонот во Женева.

Jaguar I-Pace

Jaguar I-Pace 2

Апсолутна ѕвезда на салонот. Сé е сработено по правило на служба, чесно и искрено. Роковите се испочитувани, нарачките се веќе стартувани, ценовникот почнува од 70.000 евра. Електричниот теренец на Jaguar е реалност, Tesla Model X паѓа во втор план. Единствено преостанува да се чекаат сензационалните вести од пазарот.

Toyota Auris

Toyota Auris 1

Сите производители на автомобили си направија Golf, само Toyota го има Auris. Додека конкурентите во компакт класата ја изгубија посебноста, јапонскава (поточно, европска) комбилимузина добива уште толку посилен печат во новата генерација. Подинамична во возење и на око, исчистена од дизели, за првпат со две хибридни опции – едната со 122, втората со 180 КС во комбинација со нов дволитарец.

BMW M8 Gran Coupe

BMW M8 Gran Coupe Concept

Баварците докажуваат дека моќните, дрски и самоуверени возачки машини со класичен погон и класични автомобилски вредности ќе продолжат да возат паралелно со неогрешените, чисти и разумни хибридни-електро-водородни автомобили. Купе-лимузината од новата суперсерија на BMW пристига в година, но затоа класичното купе со две врати ќе почне да вози веќе во 2018.

Aston Martin Lagonda

005

Aston Martin не само што ќе ја лансира Lagonda како посебна марка, туку ќе ја лансира директно на врвот, меѓу Rolls-Royce и Bentley. Идејата на шефот Енди Палмер е да понуди стилски авангардна и технолошки супериорна марка од врвната лига, којашто ќе ѝ се допаѓа на генерацијата „смартфон“. Со радикалниот пристап од концептната Lagonda, идејата може и да успее. Тоа е добро и заради „баланс“ со Valkyrie.

Range Rover SV Coupe

Range Rover SV Coupe n

Британците уште еднаш покажуваат кои се благородниците на автомобилската сцена. Range Rover на салонот не доаѓа со најсилниот, најекстремниот и најгротескниот супертеренец (Lamborghini Urus), ниту пак со најдебелата и најизмазнета каросерија (Bentley Bentayga), туку само со купе-верзија на својот знаменосец. Со две врати помалку, Range Rover постигнува повеќе отколку конкурентите со нивните „нај“ понуди. Серијата ќе се изработи рачно, во најмногу 999 примероци, за клиенти што сигурно ќе ја натплатат основната цена од 240.000 фунти, за нивниот примерок да биде подобар од останатите. И првиот Range имаше две врати.

GFG Style Sybille

Ова се визиите за иднината од салонот во Женева

Таткото на автомобилскиот дизајн, Џорџето Џуџаро, вели дека му е доволно од СУВ-модели и кросовери. Тој, всушност, меѓу првите почна со „вертикалниот“ развој на автомобилите. Електричната лимузина со згодно име Sybille покажува неколку интересни идеи. Но, малку е веројатно дека производителите ќе го послушаат Џуџаро. СУВ-трендот им овозможува на производителите со малку напумпана каросерија да постигнат многу напумпана цена. Неколку килограми железо плус се наплаќаат најмалку по две-три илјади евра.

Mercedes-AMG GT 4

Mercedes-AMG GT 4

Можно објаснување е дека Mercedes е испаничен од фаците што му го возат CLS, а точно објаснување е дека Mercedes-AMG со верзијата на GT со четири врати успева да го понуди најсемејниот спортски автомобил. Како тоа да му е важно некому. Porsche Panamera, здодевна си.

Lexus UX

Lexus UX_1

Ако NX му помогна на Lexus да го постигне најголемиот пораст во продажбата и овозможи публиката безпоговорно да ја прифати најголемата стилска трансформација на марката, тогаш што помалку од тоа треба да постигне компактниот UX? Кросовер во класата на X1 и Q3, хибриден погон, комплет.

McLaren Senna

McLaren Senna zeneva

Зошто од сите суперспортски марки само на McLaren му успева да биде во центарот на вниманието, без да понуди СУВ, купе-лимузина, електричен автомобил?

10 Audi A6 50 TDI quattro

Audi A6

Audi A6 всушност требаше да се најде многу повисоко на овој Топ 10. Лимузината конечно го оддава духот на премиум автомобил, врвната технологија буквално му се чита во дизајнот, не недостигаат ниту традиционалните стилски елементи како големиот трет прозорец. Но, зошто мораше лимузината толку нападно да се идентификува како TDI? Доволно ќе беше на „таблицата“ да пишува Audi A6, место A6 50 TDI quattro. Вака на светот само му се соопштува пораката: Не сакаме да се откажеме од нашите дизели, вака заработуваме повеќе, не мораме да вложуваме одново во производството.

Топ 10 утки на салонот во Женева

Mansory Bugatti Veyron

Mansory Bugatti Veyron 1

Неприкосновено прво место на листата на најголеми утки за контроверзната тјунерска работилница Mansory. На штандот во Женева се наоѓа Bugatti Veyron со специјална доработка на каросерискиот лак – која што многумина ја оценија дека им изгледа како возилото да го покакале чавки.

Ford Mustang Bullitt, Jeep Grand Cherokee Trackhawk & Co.

Jeep Grand Cherokee Trackhawk

Минус поради политичкиот притисок од Трамп, кој мисли дека сосила ќе постигне по европските патишта да има исто толку шевролети колку што има мерцедеси по американските. Светска политика во забавишни денови.

Audi E-Tron, Porsche Mission E Cross Turismo, Volkswagen I.D. Vizzion

Porsche Mission E Cross Turismo 1

На штандот на Jaguar е изложен електричен автомобил што може да се нарача веднаш, кај Hyundai исто така има електрична верзија на Kona, алијансата меѓу Nissan и Renault веќе има продадено стотици илјади автомобили со погон на струја. Наспроти тоа, Volkswagen како штотуку го открива електричниот погон. Поинаку не може да се разбере, кога на штандовите на Audi, Porsche или на матичниот VW ќе се здогледаат концепти на електрични автомобили. Audi E-Tron, инаку, стартува со продажба веќе годинава, потоа е на ред Porsche, а во меѓувреме и Volkswagen. Зошто оваа забуна?

Peugeot 508

Peugeot 508 3

На Французите веќе со децении не им успева да понудат модел што достојно ќе се бори во средната класа, автомобил што барем делумно ќе го повтори успехот на Peugeot 406 или 407. Но, никогаш досега тие не вложиле помалку напор да фатат чекор со Passat, Superb или Insignia, отколку со новиот 508. Штета, најмногу поради традицијата на моделските легенди како Peugeot 504 или 505. Некогаш постоеше и 604.

Mercedes хибрид-дизел

Mercedes ја спасува честа на дизелот во хибридна комбинација

Големо разочарување со пристигањето на новата генерација дизел-хибриди во C-Class и E-Class. Индустријата упорно се држи до своите дизели, политиката упорно притиска да ги потисне од улиците. Спрегата меѓу индустријата и политиката никогаш не била повеќе очигледна отколку во последниве неколку години. Наспроти тоа, во S 560 e си работи нормален бензин-хибрид. Некои појави не се објаснуваат.

Cupra како спортска марка на шпанската марка на Volkswagen

Cupra Ateca

Кус коментар некогаш е поголем од долг коментар. Американската автоиндустрија до неодамна ги произведуваше Oldsmobile, Plymouth, Pontiac, Mercury, Saturn, Hummer… Saab…

Maserati Levante Nerissimo

Maseerati Levante zeneva

Теренецот на Maserati никој не го регистрира како конкурент на Porsche Cayenne. Тоа би можело да се смени со новата верзија GTS со осумцилиндарец од Ferrari. Но, како Италијанците ќе ги убедат купувачите да го изберат нивниот Levante? Во меѓувреме, на штандот на Alfa Romeo се појавува специјална серија Nring Edition од „рекордерските“ Stelvio и Giulia. Maserati балансира со серија Nerissimo, којашто не нуди ништо друго освен што е комплетно црна внатре и надвор. Некако се измешани улогите, купувачите на тоа реагираат така што не реагираат воопшто.

Hyundai-Universal

Hyundai Le Fil Rouge concept car

Hyundai се претвора во универзална марка, нешто како Samsung во автомобилската индустрија. Електрични автомобили, водородни автомобили, студии на ексклузивни лимузини, хибридни модели, градски автомобили, спортски компакти, престижни крстосувачи. Првата асоцијација кога ќе се спомне марката е? Точно така, нема одговор, недефинирано.

9 Kia Ceed

Kia Ceed zeneva

Дали е договорено новиот Kia Ceed да изгледа како нов Ford Focus и обратно?

10 Opel

opel modelsko semejstvo X

Од сите марки на францускиот PSA, во Женева не изложуваше единствено новиот член Opel. Тоа е најблаго кажано некултурно од новите газди.

Ова се визиите за иднината од салонот во Женева

Чудните автомобили се нормална појава на салонот во Женева

Летечки автомобил од половина милион евра на салонот во Женева


Ти се допаѓа? Сподели со пријателите!

133
36 shares, 133 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743