143
19 shares, 143 points

Производителот на електрични автомобили Tesla претстави респиратор изработен од автомобилски делови. Тоа е придонесот на калифорниската компанија во борбата против корона.

Повеќето производители на автомобили моментно работат на снабдување на лекарскиот кадар со медицинска заштитна оперма во борбата против вирусот корона. Tesla на јутјуб прикажа прототип на респиратор. Тој е изработен од автомобилски делови и со тоа не им го отежнува снабдувањето со компоненти на останатите производители на респиратори. САД се погодени особено тешко од ширењето на вирусот. „Ние ќе произведуваме респиратори кога ќе се јави недостиг“, објави Илон Маск на твитер. Тоа е лесна задача за пионерот на електричниот погон.

Маск уште пред една седмица набави повеќе од 1.000 респиратори во Кина и ги дистрибуираше до болниците во Калифорнија. Тој претходно ја потценуваше опасноста од вирусот и зборуваше дека непотребно се создава паника, поради што предизвика бурни реакции во социјалните мрежи.

Не е првпат Маск да понуди помош со уред од сопствен развој. Пред неколку години, шефот на Tesla изработи малечка подморница, со којашто сакаше да ги спаси дечињата кои беа заглавени во поплавена пештера. Подморницата остана неискористена, затоа што еден нуркач оцени дека таа не е соодветна.

Tesla со рекордна испорака во првото тромесечје: Над 100.000 возила

 


Ти се допаѓа? Сподели со пријателите!

143
19 shares, 143 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *