134
18 shares, 134 points

Според Илон Маск, пикапот на Tesla ќе биде подобар камионет од Ford F-150 и подобар спортски автомобил од Porsche 911. Премиерата на „сајберкамионот“ е закажана за месецов.

Кога шефот на Tesla претставува нов модел, секогаш го најавува и следниот чекор. Така беше и при премиерата на компактниот Model Y, компактниот СУВ врз основа на Model 3. Илон Маск ја искористи пригодата за кусо да го претстави и следниот нов модел, пикап со погон на струја. Камионетот официјално требаше да се појави во септември, но тоа се одложи. Сега Маск го објави и датумот за светската премиера на пикапот, на својот омилен социјален медиум твитер (откако во почетокот на ноември најави дека го гасне својот профил). Официјално, пикапот на Tesla ќе биде претстсавен на 21-ви ноември во Лос Анџелес, во близина на фабриката за ракети SpaceX.

Техно-мултимилијардерот најави дека Tesla Pickup ќе биде „подобар камион од F-150 и подобар спортски автомобил од стандарден 911“. Во посебен твит, Маск спомна дека пикапот ќе биде способен да повлече „на кука“ точно 300 илјади фунти (!), што одговара на 136 тони.

Основниот модел ќе чини 49.000 долари, а „можеби и помалку“

Освен во основната функционалност, пикапот ќе се разликува и со дизајнот. Според Маск, „пикапот ќе личи како од филмовите од научната фантастика, што значи дека нема да биде по сечиј вкус.“ Тој образложува дека електричниoт пикап не е за луѓе кои сакаат камионет што изгледа исто веќе 20 години.

Илон Маск во нему својствениот интело-хумор посочува дека датумот на премиерата на пикапот на Tesla потсеќа на еден НФ-филм:

 


Ти се допаѓа? Сподели со пријателите!

134
18 shares, 134 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *