138
19 shares, 138 points

Tesla Model 3 уште пишува наслови, иако вниманието моментно е насочено кон Model Y – и кризата од корона. Електричната лимузина продолжува да се пробива меѓу најпродаваните модели во САД и се искачи на шестото место по првите три месеци од годинава.

Лимузината со погон на струја од рангот на C-Class и Audi лани заврши на 9-то место на најпродаваните модели во САД. Во првиот квартал лани, Tesla Model 3 беше 13-ти најпродаван модел, за во последниот квартал да се искачи на 7-то место. Трендот продолжи и годинава, со Model 3 на шестото место по првите три месеци од годинава.

Успехот на Tesla Model 3 е дотолку поголем што неговата цена е околу 15.000 долари повисока од моделите со обичен погон околу него. Згора на тоа, купувачите обично се решаваат за поскапите изведби, со поголема батерија и со дополнителен електромотор. Сепак малкумина од сопствениците земаат предвид дека електричниот погон ќе им донесе и пониски оперативни трошоци, како и привилегии во секојдневието.

Шестото место на Model 3 сепак важи само во конкуренција на автомобили. Доколку се земат предвид и продажбите на СУВ-моделите и пикапите, тогаш електричната лимузина паѓа на 19-то место. Но, тука наскоро стапува на сцена СУВ-изведбата со техниката од Model 3, односно Model Y. Голема е веројатноста дека тој ќе ја престигне „тројката“ и ќе напредува уште повисоко, токму поради фактот што станува збор за модел во особено популарниот СУВ-сегмент. За тоа да се случи, прво треба да се почека додека продукцијата на Model Y го достигне нивото на Model 3.

Шест автомобили во американскиот Топ 10 лани се јапонски


Ти се допаѓа? Сподели со пријателите!

138
19 shares, 138 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *