134
19 shares, 134 points

Tesla Model 3 во мај била најпродавана премиум лимузина во средната класа на американскиот пазар, оставајќи ги зад себе Audi A4, серијата 3 на BMW или Mercedes C-Class

Tesla веќе со месеци има проблеми да ја постигне планираната продукција на Tesla Model 3, постојано има критики и за шефот Илон Маск. Во меѓувреме, Tesla Model 3 се продава подобро од која било премиум лимузина од средната класа на американскиот пазар. Според објавата на твитер-профилот на марката, Tesla Model 3 во мај била најпродавана лимузина од премиум марка во средната класа на целата територија на САД.

Неодамна, тоа за првпат му успеа на овој електричен автомобил со основна цена од 35.000 долари во сојузната држава Калифорнија. Според графиконот на калифорискиот производител, Model 3 во мај се продавал подобро и од Mercedes C-Class, од серијата 3 на BMW и Audi A4, како и од Lexus IS.

Официјалните бројки од продажбата во мај ќе бидат познати веројатно во следниот месец, затоа што Тesla ги објавува продажбите на секои три месеци, но за ориентација може да се земат 6.250 продадени примероци од Model 3 во текот на мај. Секако дека тоа е историски најдобра месечна продажба и за марката Tesla.


Ти се допаѓа? Сподели со пријателите!

134
19 shares, 134 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *