Дарко Јаконов
Снимка од дрон на гигафабриката во Шангај ги покажува првите 15 примероци од Tesla Model 3 паркирани во фабричкиот круг. Станува збор за автомобили од претсериско производство, работите се одвиваат мошне забрзано откако американската марка во минатиот месец доби дозвола од кинеските власти да стартува во земјата.
Како што шефот Илон Маск објави во минатиот месец при претставувањето на деловните резултати за работата на компанијата во третиот квартал од годинава, во фабриката за Tesla во Шангај, официјално именувана Гигафабрика 3, веќе се работи под полна пареа. Додека јавноста однадвор го следеше само напредувањето на градбата, паралелно се работеше на поставување на машинеријата.
Неверојатно брзиот старт, откако властите во Пекинг во средината на минатиот месец издадоа одобрение за американската компанија да гради во Кина, се должи на тоа што пресите за изработка на каросеријата, опремата за лакирницата и сложената монтажна линија се поставуваа практично веднаш со затворањето на основната градба.
Верувам дека во историјата не постои друга фабрика со толкав обем што била изградена во толку куса временска рамка, приближно за 10 месеци.
Илон Маск, Tesla Inc.
Во Гигафабриката 3 во Шангај ќе се произведува и СУВ-моделот Model Y, на база на Model 3. Маск најави и дека до крајот на годината ќе ја објави локацијата на фабриката што ќе се гради на територијата на Европа.
Кинезите покажуваат голема одушевеност за Tesla, што е исклучок за една странска компанија. Фановите на калифорниската марка постојано ја посетуваат Гигафабриката 3 и ја снабдуваат автомобилската сцена со актуелни вести оттаму.
More pics about the Shanghai giga phase II. $tsla #Tesla #GF3 pic.twitter.com/PoGm19xsXo
— Chao Zhou 🧢 🔥🔥🔥 (@realChaoZhou) October 28, 2019
