Вредноста на електроспецијалистот Tesla се зголеми драстично. Прворангирана на листата на највредни автомобилски марки и натаму е Toyota.
Toyota е највредна автомобилска марка на светот. Тоа го покажува студијата за 100-те највредни марки на светско ниво којашто ја спроведува институтот Милворд Браун. Јапонската марка ја одбрани својата водечка позиција од конкурентите Mercedes и BMW.
Најголемиот скок го направи специјалистот за електричен погон Tesla. Пазарната вредност на калифорнискиот производител се зголемила за 32 проценти. Tesla сега вреди 5,9 милијарди долари и од десеттото се искачи на осмото место на највредни автомобилски марки.
Tesla има исто толку силно влијание колку Facebook и Apple при нивното појавување
Вредноста на марката Toyota се намалила за три проценти, на 28,7 милијарди долари. Иако продажбата порасна значително, јапонскиот гигант се соочуваше со осцилации на вредноста на валутата, скапи инвестиции и пораст на трошоците. Ерата со масовните сервисни повици незначително ѝ наштети на марката.
Во дванаесетте години во коишто се составува ранг листата на Милворд Браун, Toyota дури десетпати била на врвот во својата категорија. Tesla ги престигна Land Rover и Porsche. Според креаторите на ранг листата, приказната на Tesla е интересна, затоа што тие не продаваат само автомобили, туку и ветувања за иднината. Единствено Apple и Facebook при нивното појавување извршиле толку силно влијание врз масовниот пазар. Land Rover изгуби една позиција, иако британската марка ја зголемила својата вредност за 17 проценти, на 5,5 милијарди долари. Овие марки сепак не се наоѓаат меѓу стоте највредни во светот.
BMW ја задржа втората позиција од ланското рангирање и покрај тоа што вредноста се намали за осум проценти, на 24,6 милијарди долари. Трет е Mercedes, со вредност од 23,5 милијарди долари или за четири проценти повеќе во споредба со лани. Меѓу стоте највредни марки на глобално ниво, од автомобилската бранша се вбројуваат единствено уште Ford, Honda и Nissan.
Првите пет места на ранг-листата на 100 највредни марки во светот им припаѓаат на Google (245,5 милијарди долари), Apple (234,6), Microsoft (143,2), Amazon (139,3) и Facebook (129,8). Само на нив отпаѓа една четвртина од вкупната вредност на стоте марки.
Позиција меѓу автомобилски производители |
Позиција на ранг листата на 100-те највредни марки |
Марка |
Вредност (во милијарди долари) |
Промена |
1 |
30 |
Toyota |
28,660 |
-3% |
2 |
35 |
BMW |
24,559 |
-8% |
3 |
40 |
Mercedes-Benz |
23,513 |
4% |
4 |
83 |
Ford |
13,065 |
0 |
5 |
91 |
Honda |
12,163 |
-8% |
6 |
100 |
Nissan |
11,341 |
-1% |
7 |
– |
Audi |
9,393 |
-1% |
8 |
– |
Tesla |
5,876 |
32% |
9 |
– |
Land Rover |
5,534 |
17% |
10 |
– |
Porsche |
5,141 |
16% |