140
19 shares, 140 points

Со првата фабрика на калифорнискиот електро-специјалист надвор од САД значително ќе се скуси испораката на Tesla Model S на европскиот пазар. Од холандскиот погон ќе излегуваат и кросоверот и „евтиниот“ модел на Tesla.

Пионерот во луксузниот сегмент на електрични автомобили Tesla Motors го направи следниот голем чекор во историјата на компанијата. Шефот Илон Маск денес го пушти во работа првиот монтажен погон на Tesla Motors надвор од САД. Фабриката со површина од околу 80.000 метри квадратни е лоцирана во холандскиот град Тилбург, во близина на границата со Белгија и во неа ќе се врѓи монтажа на актуелната лимузина Tesla Model S за европскиот пазар. Целта е значително да се скуси испораката на примероците од луксузниот електромобил на пазарот во Европа. Планиран е капацитет на монтажа на 450 автомобили неделно.

Во кругот на фабриката се наоѓа и покриена патека за тестирање во должина од 750 метри, каде што ќе се симулираат различни подлоги, со цел да се подобри квалитетот на изработка и да се оптимизираат подрачјата на звуците и вибрациите во возилото. Покрај тоа, на патеката ќе се тестираат и системите за автономно возење пред возилата да се испорачаат на купувачите.

Сите моделски варијанти на Model S ќе излегуваат од Тилбург за Европа

Готовите модули ќе пристигаат во фабриката во Холандија од матичниот погон на Tesla Motors во Фримонт, Калифорнија. Конкретно, во Тилбург ќе се вградуваат батерискиот модул, погонската спрега и задната оска. Првото вчитување на контролната електроника исто така ќе се одвива во холандскиот погон. Сите моделски варијанти на Tesla Model S ќе се монтираат во Холандија, почнувајќи од основниот модел 70D до врвниот P90D, со „лудачкиот модус“ и со забрзување до сто за помалку од три секунди.

Кросоверот Model X чија што премиера се очекува за само неколку денови исто така ќе се произведува во Холандија. Испораките на актуелниот Model S ќе стартуваат уште во септември.

tesla holandija 1


Ти се допаѓа? Сподели со пријателите!

140
19 shares, 140 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743