Дарко Јаконов
Доколку мора да се користи такси во време на кризата со вирусот корона, неколку едноставни правила на однесување можат да бидат од помош, за сопствена заштита и за заштита на луѓето околу.
Во време на пандемија на корона, целиот свет мирува во домашна изолација. Лицата со хронични заболувања или други потешкотии, кои не располагаат со автомобил, можно е да имаат потреба да користат такси токму во овие времиња. Неколку совети помагаат да се намали опасноста од инфицирање.
Социјалното дистанцирање е суштинско во целата борба против пандемијата на корона. Заради запирање на понатамошното ширење на новиот вирус корона, државите, градовите и општините преземаат драстични мерки. Доколку сепак мора да се повика такси возило, треба да се внимава на следните правила на однесување:
- Држете растојание: Во такси возилото качете се од задната десна врата, за на тој начин да бидете колку е можно повеќе оддалечени од возачот.
- Дополнителна заштита: Доколку поседувате заштитна или респираторна маска, носете ја за време на возењето. Секако дека и навлекувањето заштитни ракавици ќе биде од корист.
- Молк: Во овие времиња е подобро човек да се воздржува од разговор. Најдобро е да молчите, заради сопствена заштита и заштита на возачот.
- Хигиена на дланките: При првата можност темелно измијте ги дланките, доколку не користите нараквици.
- Отвореност: Доколку диспечерот одбие да испрати возило да Ве превезе до болница или амбуланта, напоменете дека немате повишена температура и не постои сомневање за инфекција со вирусот корона, туку дека морате да посетите лекар поради висок притисок или друга конкретна причина.
