142
22 shares, 142 points

Швајцарија издаде привремена забрана за регистрирање на неколку модели на Porsche. Примероците од овие модели што се веќе регистрирани може да се возат непречено

Скандалот со лажираните вредности на издувните гасови се шири. Швајцарската сојузната служба за патишта побара забрана за регистрирање на неколку модели на Porsche коишто имаат дизел мотори со манипулиран софтвер. Овој недозволен софтвер прикажува примерни вредности кога автомобилот ќе се најде на пробни валци, додека во реалноста е многу повисока емисијата на штетни материи што ги испушта моторот, односно изудвниот систем. Забраната почнува да важи уште во петок.

Оваа строга мерка се изрекува за примероци од Porsche Macan со трилитарски дизел мотор и за Cayenne со 4,2-литарски мотор, исто така дизел. Двата мотора, инаку, ги исполнуваат барањата според нормата Euro 6.

Од забраната се ослобдени примероците од овие модели коишто веќе имаат добиено швајцарски регистерски таблици. Тие може да се возат непречено или да се нудат на пазарот на користени возила. Пред следната регистрација, овие возила сепак ќе мора да посетат сервисна работилница, заради соодветни модификации.


Ти се допаѓа? Сподели со пријателите!

142
22 shares, 142 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *