139
19 shares, 139 points

Две моделски изведби на Suzuki беа претставени на авто-салонот на отворено во Торино. Vitara Katana го доби прекарот по прочуениот мотоцикл од 1980-те чијшто култ продолжува со Katana Jindachi, додека Jimny Gan го нагласува непобедливиот дух на мини-теренецот.

Suzuki учествува на салонот во Парко Валентино, во Торино, уште од првата година на одржување на овој спектакл под отворено небо. Покрај локалните ѕверките од регионот на Пиемонте, кадешто со децении опстојуваат најдобрите „одгледувачници“ на спортски автомобили, потребно е да се прикаже нешто посебно, за публиката да го забележи тоа. За Suzuki и за неговите експерти во Хамамацу, тоа не е проблем.

New photo by Automedia MK / Google Photos

Штандот на Suzuki е инспириран од Katana, мотоцикл што во 1980-те го смени начинот на којшто се конструираа спортските модели. Покрај оригиналниот модел се присутни Jimny Gan и Vitara Katana.

По дефиниција, катана е толку моќно оружје што може да ја добие војната без да влегува во директно соочување; Особено остар меч на самураите, кој ги обединува трите концепти на филозофијата што ја претставува: Кивами (исклучителност), Хагане (ковано совршенство) и Киру (завршниот рез).
New photo by Automedia MK / Google Photos

Jimny Gan е подготвен кај специјалистот за теренски преработки, Zanfi. Каросеријата е подигната за 100 милиметри, за што секако се користени нови пружини, амортизери, панард-лостови и водилки. Растојанието од подлогата изнесува 310 милиметри.

New photo by Automedia MK / Google Photos

Специјалитет на Zanfi е можноста за откачување на стабилизаторите, што е корисно за екстремни пречки. Полуоските се зајакнати, а диференцијалите имаат дополнителна заштита. Бандажите легнуваат на дистанцијали соп дебелина од 30 милиметри. Гумите имаат димензија 235/75, со „балонски“ профил.

На хаубата се наоѓаат еластични кабли за прицврстување товар. Заштитата од удари во подвозјето е изведена во антрацит боја, исто како и бандажите. Внатрешноста е обложена со скапа алкантара, со изведби на деталите какви што може да се очекуваат од италијанските специјалисти.

New photo by Automedia MK / Google Photos

Следниот хит-модел на Suzuki што се појавува во Парко Валентино е Vitara Katana. Моторот е 1,4-литарски турбо со 140 КС, во комбинација со погон на сите тркала AllGrip. Компактниот СУВ се појавува со двобојна каросерија, со лондонска-сива основа и црн покрив.

Додатоците во маската даваат лут изглед на Vitara, исто како и рамките околу дневните светла, во двата случаи во црна боја. Црвен нагласок во предниот браник, странично под хаубата и назад внесуваат повеќе динамика во силуетата. Заштитата на праговите и задниот спојлер се во иста боја со покривот.

New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos

 

 


Ти се допаѓа? Сподели со пријателите!

139
19 shares, 139 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *