Suzuki Vitara најпродаван модел во Унгарија до септември

Suzuki има вистински погодок со новата генерација на Vitara. Новиот концепт на кросоверот се докажува особено на „домашниот“ унгарски пазар, каде што Vitara е најпродаван модел во првите девет месеци од годинава.

Со вкупно 4.238 продадени примероци во трите квартали од 2015 година, Suzuki Vitara е најпродаван модел на унгарскиот пазар на автомобили. Со пазарно учество од 15,4%, новата генерација на кросоверот на Suzuki е пред Skoda Octavia и Opel Astra, кои во првите девет месеци од годинава се продадоа во 3.581, односно 2.107 примероци. Одлично минуваат и останатите модели на Suzuki. На петтото место на најпродавани модели следи Suzuki Swift, со 1.550 примероци, додека на 11-то место во деветте месеци е Suzuki SX4 S-Cross, со 1.132 продадени возила и раст од 26,1 проценти.

Ваквите продажни бројки се огледуваат и во конкурентската битка на Suzuki со останатите марки. Според продажбата до септември, Suzuki е четврта марка на пазарот, со продадени 5.051 возило и зголемување од 34,1 проценти. Пазарен лидер и натаму останува Opel, кој што исто така е „домашна“ марка на унгарскиот пазар, со вкупно продадени 6.548 примероци, за веднаш на второто место да следи Ford, со минимален заостаток и 6.333 продажби во првите девет месеци. Но, одличната прифатеност на новите генерации модели на Suzuki им ја „одзема“ продажбата на двете водечки марки Opel и Ford, кои до септември бележат пад од 11,2, односно 3,4 проценти во споредба со истиот период лани.

Десет најпродавани модели во септември во Унгарија