Пазар

Suzuki вози кон нова рекордна година

Продажба, промет, заработка, сите регистри најавуваат одлична деловна година за јапонскиот специјалист за мини и погон на сите тркала

Во првите девет месеци од деловната година Suzuki бележи зголемување во продажбата, прометот и заработката. Голем раст има на европскиот пазар, што е резултат на одличната продажба на новиот Swift, но и на Ignis, Vitara и SX4 S-Cross.

Suzuki е на пат кон нова рекордна година. Во првите девет месеци од деловната година којашто завршува во март, јапонскиот производител постигнал продажба од 2,37 милиони возила. Марката во историјата нема продадено повеќе возила во период од три квартали. Растот во продажбата изнесува 11,5 проценти во споредба со истиот период во ланската деловна година.

Прометот и заработката на автомобилскиот огранок на Suzuki исто така бележат голем скок во првите девет месеци од тековната деловна година. Прометот достигнал 19,3 милијарди евра или за 20,9 проценти повеќе, што укажува на зголемената продажба на возила од повисоките ценовни сегменти. Заработката, пак, пораснала за 53,2 проценти, на 1,93 милијарда евра. Според производителот, тоа е резултат од намалените трошоци и од поволниот валутен курс.

Suzuki постигнува голем раст во продажбата на европскиот пазар

Меѓу најголемите растечки пазари е Европа. Главен носител во продажбата е новата генерација на Swift, но и микро-теренецот Ignis, класичарот Vitara и кросоверот SX4 S-Cross. Европскиот пазар регистрирал за 18,9 проценти повеќе возила на Suzuki, односно вкупно 204.000 примероци.

Пазарот во Јапонија исто така бележи плус 6%, со вкупно 468.000 продаден возила. Далеку најголем пазар на глобално ниво е Индија, кадешто отпаѓа повеќе од половина од продажбата. Таму се продале вкупно 1,23 милион возила (+15,5%), главно од помалите модели на марката.

Запознајте го Suzulight, првиот автомобил на Suzuki од 1954

Специјалистот за терен: Suzuki со три варијанти на погонот на сите тркала Allgrip

Тест • Suzuki Vitara 1.6 AllGrip GL PLus

Ознаки
loading...

Слични објави

Напишете коментар

Вашата адреса за е-пошта нема да биде објавена. Задолжителните полиња се означени со *

Откриен е Adblock

Ќе ни помогнете доколку ја исклучите вашиата блокада за реклами

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3729