за

Suzuki Jimny во славната серија Black Bison на јапонскиот тјунер

Suzuki Jimny Wald Black Bison

Новата генерација на Suzuki Jimny неочекувано се претвори во вистинска ѕвезда. Планираниот континент за цела година се потроши за еден месец во повеќето европски држави, а тјунерската сцена буквално лудува со преправките на малечкиот теренец. Јапонскиот специјалист Wald отиде најдалеку

Suzuki Jimny е чиста спротивност на големите СУВ-модели, на коишто целата суштина им е во тоа што се големи. Но, сцената немаше толку да го почитува јапонското мини, доколку Jimny не поседуваше одлични теренски својства.

Откако се појави новата генерација на Jimny, со стил кој потсеќа на легендата G-Class, речиси не остана тјунерска работилница што не направи своја верзија на теренскиот Suzuki. Истата еуфорија владее и во продажните салони на марката ширум Европа, кадешто купувачите уште во јануари ги исцрпеа нарачаните контингенти од Jimny за цела 2019 година. Suzuki Jimny се претвори во трендмобил, луѓе сакаат да бидат видени со овој автомобил.

New photo by Automedia MK / Google Photos

Во средината на јануари следеше кулминација и на тјунинг-сцената, откако неколку домашни работилници излегоа со преправки на Jimny на салонот во Токио. Меѓу нив, најголемо внимание привлече примерокот наречен Black Bison, од тјунерската куќа Wald. Оваа ценета и позната адреса за скапи преправки на скапи автомобили е позната токму по „Black Bison“, како специјалност на тјунерот, цивилни автомобили од типот на S-Class или Phantom да се претворат во монструми, со каросерија лакирана во мат црна боја. Годинава, Wald првпат се впушти во авантура со малечкиот Suzuki Jimny.

New photo by Automedia MK / Google Photos

По неполн месец од завршувањето на салонот во Токио, Wald претстави уште поекстремна изведба на Jimny Black Bison Edition. Резултатот е во најмала рака одушевувачки. Јапонскиот тјунер го постави малечкиот теренец на џиновски гуми и бандажи, комотно сместени под проширените крила. И тоа воопшто не изгледа гротескно – со исклучок на масивните отвори за воздух во хаубата, кои на 1,5-литарскиот бензинец сигурно не му се потребни во таа димензија.

New photo by Automedia MK / Google Photos

Предните светла користат исклучиво диоди, но вистинската светлосна група е поставена многу повисоко, на покрив, кадешто веќе не станува збор за светла, туку за рефлектори. Издувот добива класичен тјунерски третман и завршува со двојна издувна цевка отстрана, под возачката врата.

New photo by Automedia MK / Google Photos

Постојат гласини дека Wald планира да ја понуди оваа екстремна преработка на Suzuki Jimny и на европскиот пазар. Со скромно познавање јапонски јазик и со огромна подршка од гугл-преведувачот, може да се дојде до податок дека предниот браник чини 98.000 јени или околу 785 евра, проширените крила 135.000 јени (1.100 евра), маската 68.000 јени (550 евра), кровниот спојлер 60.000 јени (480 евра).

Тоа сепак е мошне далеку од цените што ги плаќаат сопствениците на Rolls-Royce Phantom за нивиот ексклузивен крстосувач да се претвори во „црн бизон“. Повторно предност за Jimny.

Неколку преработки на Suzuki Jimny од јануарскиот Токио Авто Салон
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos

 

Suzuki Jimny во полуфинале за светски автомобил на годината

Британските возачи најзадоволни од Suzuki

Дизајнот на Suzuki Jimny им вреди злато на Јапонците

Тест: Suzuki Swift 1.2 DualJet SHVS GLX

 

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

ariv elektricen velosiped 1

General Motors започнува со продажба на електрични велосипеди

Зошто на концерните не им е доволно само да продаваат автомобили