116
19 shares, 116 points

Хибриди со достапна цена и со ознака SHVS што асоцира на некогаш мошне популарниот видеозапис за домашната кинотека (S-VHS) и бензинци со турбонатполнење и директно впрскување Boosterjet тоа ќе бидат единствените погонски опции во Suzuki, покрај класичниот Dualjet. На повеќе пазари во Европа веќе е исклучен дизел моторот од понудата на јапонскиот специјалист за градски автомобили и погон на сите тркала.

Тоа и не треба да е изненадување, затоа што комплетно обновената постава со моделите Ignis, Swift и Baleno воопшто не го вклучи дизелот во понудата од погонски единици. Единствените моделски серии во коишто продолжи да работи дизелот беа „најстарите“, Vitara и S-Cross. Во иднина, оваа опција исчезнува и оттаму.

Suzuki се поштедува и од ускладувањето на дизелите со новите норми WLTP

Со исклучувањето на дизелот, Suzuki се поштедува и од непотребните маки околу ускладувањето со новиот циклус за мерење на потрошувачката и емисијата WLTP. Од друга страна, интересот за дизелот е во силно опаѓање на повеќе пазари. Од „трета страна“, со сите технологии што дизелот го претворија во херој на сцената, од типот на турбонатполнење и директно впрскување на горивото, денешните бензинци трошат незначително повеќе од дизелите. Изборот на „D“ е само навика.

Овој важен стратешки чекор не менува многу. Suzuki веќе го нуди благиот хибрид SHVS во триото Ignis-Swift-Baleno, кадешто стартер генератор му помага на моторот при секое забрзување и на тој начин постигнува осетна заштеда во потрошувачката на гориво. Уште една предност на благиот хибрид што прави Suzuki моментно да биде единствен во понудата во соодветните сегменти: Baleno 1.2 SHVS во топ-нивото GLX чини 14.550 евра или 560 евра повеќе од класичната верзија. Тука има улога и акцизното ослободување за модели со хибриден погон.

Претходно и Nissan најави дека се откажува од дизел моторите, а наскоро ќе следат и останатите јапонски марки. Тоа беше предвидливо, имајќи предвид дека европскиот пазар е главниот „потрошувач“ на дизелот, а интересот во последните две години опаѓа рапидно. Suzuki веќе има конкретни најави и за електрични автомобили.

Suzuki првпат продаде над три милиони автомобили

Suzuki Swift меѓу трите финалисти за светски автомобил

Suzuki вози кон нова рекордна година

Унгарија го произведе тримилионитиот Suzuki

Тест • Suzuki Vitara 1.6 AllGrip GL PLus

 


Ти се допаѓа? Сподели со пријателите!

116
19 shares, 116 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *