за

Suzuki Across вози 75 km на струја и личи многу како Toyota RAV4

Suzuki Across
Suzuki Across

Најголемото изненадување од Suzuki всушност и не е толку големо изненадување. Suzuki Across е производ од соработката со Toyota и се базира врз актуелниот RAV4. Компактниот СУВ користи плагин-хибриден погон, Европа ќе го добие моделот наесен.

Пред неполна година, Toyota и Suzuki потпишаа договор за здружување, уште тогаш беше извесно дека тоа ќе има големо влијание врз пазарот. Така и се случи. Suzuki го претстави Across, компактен СУВ што се базира врз актуелната Toyota RAV4, конкретно врз изведбата Wildlander што се произведува кај кинескиот партнер GAC Toyota и се продава на тамошниот пазар. Тоа што е главно околу целиот овој зафат всушност е погонот на Across. Станува збор за плагин-хибрид на Toyota со способност да извози 75 километри чисто на струја.

Тоа се бројни клучни моменти што произлегуваат од стратешкото здружување на двете компании. Допрво ќе следат уште голем број изненадувања. Across е првиот модел што Toyota му го испорачува на Suzuki во рамките на соработката. Европскиот пазар ќе ги добие првите примероци од новиот знаменосец на Suzuki во текот на есента.

Во дизајнот јасно се распознава RAV4, со тоа што предниот и задниот дел се сменети и донесени се во стилот на Suzuki. Робустноста во појавата не е без основа, затоа што Across го користи погонот на сите тркала E-Four, со втор електромотор на задната оска, што реагира брзо и флексибилно, овозможувајќи добри теренски својства. Распределбата на влечната сила меѓу двете оски може да се менува во дијапазон од 100:0 до 20:80 проценти.

New photo by Automedia MK / Google Photos

Надворешни детали, како целосно диодни светла или црни полирани бандажи од 19 инчи откриваат дека се работи за солидна понуда. Внатре Suzuki користи идентичен кокпит со RAV4, со средишен дисплеј од 9 инчи и со сите можности за поврзување со паметен телефон. Багажникот располага со 490 литри и има практичен приклучок со 220 волти, за користење електричен прибор при излети и други пригоди.

Suzuki Across покажува дека соработката со Toyota не се реализира само заради „бројки“, туку првенствено поради помасовен пробив на напредните погонски технологии

Погонската спрега ја сочинуваат 2,5-литарски бензинец со 182 КС и 270 њутнметри, два електромотори (назад со 40 kW) и литиум-јон батерија од 18,1 kWh, што е вградена во подот. Моторот со код A25A-FXS е ист со Camry, RAV4 и бројни други модели на Toyota, од генерацијата Dynamic Force.

New photo by Automedia MK / Google Photos

Возачите на Suzuki Across ќе можат да избираат меѓу четири режими на возење: Стандардно поаѓање и возење на струја (EV Mode), автоматско преоѓање од електиричен во хибриден режим (Auto EV/HV Mode), чисто хибриден погон (HV Mode) и режим за батеријата во текот на возењето да се наполни целосно и погонот во меѓувреме да не црпи енергија оттаму.

Suzuki Across доаѓа и со низа системи за асистенција, вклучувајќи самостојно запирање при опасност од судир и запирање при пешак или велосипедист на патот, потоа активен систем за предупредување при напуштање лента и приспособлив радарски темпомат. Во повисоките нивоа на опрема следат уште камера за знаци, предупредување при возило во мртов агол и предупредување за возило што доаѓа попречно при излегување во рикверц.

Очекуваме информации околу пристигањето на моделот на македонскиот пазар.

ДЕТАЛНИ ТЕХНИЧКИ ПОДАТОЦИ ЗА SUZUKI ACROSS

Број на врати     5
Мотор     хибрид, бензин
      2.5L Plug-in Hybrid
Погон     E-Four
ДИМЕНЗИИ        
Должина mm 4,635
Ширина mm 1,855
Висина mm 1,690
Меѓуоскино растојание mm 2,690
Трага напред mm 1,600
назад mm 1,630
Круг на вртење меѓу тротоари m 5.7
Растојание од подлога mm 190
ЗАФАТНИНИ        
Седишта   5
Багажник максимално lit 1,604
  до висина на прозорци lit 1,168
  стандардно lit 490
Резервоар lit 55
Батерија   kWh 18.1
Мотор        
Тип   A25A-FXS
Цилиндри     4
Вентили   16
Зафатнина cm3 2,487
Пречник и Од mm 87.5 x 103.4
Компресија     14.0:1
Моќност kW 136
Вртежен момент Nm 227
Напојување     Двојно впрскување
ЕЛЕКТРОМОТОРИ        
Напред Моќност kW 134
  Вртежен момент Nm 270
Назад Моќност kW 40
  Вртежен момент Nm 121
Пренос        
Тип   E-CVT (автоматски)
ПОДВОЗЈЕ        
Управување     Запчеста летва
Сопирачки напред   вентилиран диск
  назад   вентилиран диск
Водење на тркала напред   Мекферсон
  назад   Двојни триаголни водилки
Пневматици     235/55R19
ТЕЖИНИ        
Празно возило kg 1,940
Дозволена тежина kg 2,510
ПЕРФОРМАНСИ        
Крајна брзина   km/h 180
Досег на струја   km 75
ПОТРОШУВАЧКА И ЕМИСИЈА        
Норма     Euro 6d
CO2 (NEDC)   g/km 26
CO2 (WLTP)   g/km 22

View this post on Instagram

NUEVO Suzuki Across 2021: Un SUV híbrido enchufable con ADN de Toyota para el mercado europeo. La marca nipona acaba de anunciar su nuevo modelo Across, se trata de un SUV híbrido enchufable con tracción integral que toma como base la plataforma del Toyota RAV4 Prime. Es el primer vehículo suministrado por Toyota a Suzuki como parte de un acuerdo comercial de colaboración entre ambas marcas japonesas. Estéticamente es muy similar a la última generación del Toyota RAV4, modelo que ya conocemos en Panamá, sobre el cual Suzuki ha implementado una serie de cambios, la mayor parte de ellos en su parte delantera, donde estrena una parrilla más grande, por detrás claramente es un RAV4. Bajo el capó se presenta con la misma mecánica del RAV4 Prime, un motor 2.5 litros capaz de generar 182 hp y 199 lb-pie de torque, asociado con dos motores eléctricos que funcionan de manera independiente en cada eje, cada uno aportando 182 y 54 caballos de fuerza. Este sistema de propulsión híbrido es capaz de generar el equivalente a 302 caballos de fuerza y se alimenta de una batería de 18,1 kWh ubicada bajo el suelo del vehículo y que está refrigerada por líquido. Gracias a esta mecánica la marca asegura una autonomía en modo eléctrico de hasta 75 kilómetros. Pasando al interior, salvando los detalles obvios como los emblemas de Suzuki, es exactamente lo mismo que se encuentra en un RAV4, modelo del cual hereda la conectividad, un sistema de infotainment compatible con Apple CarPlay y que también recibe Android Auto en una pantalla táctil de 9 pulgadas. En el apartado de seguridad cuenta con el paquete de ayudas a la conducción del sistema de Toyota Safety Sense. Al menos por ahora sólo se venderá en Europa, región donde estará disponible desde septiembre de este mismo año. Todavía la marca no reveló su precio. #suzukideagencia #suzukiacross #suzukipanama #suzukieurope

A post shared by Guía de autos | Deagencia® (@deagenciapa) on

Toyota RAV4 отсега полни батерија и на „штекер“

Toyota RAV4 отсега полни батерија и на „штекер“
Toyota RAV4 отсега полни батерија и на „штекер“

Какво е Вашето мислење

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Коментари

Напишете коментар

Вашата адреса за е-пошта нема да биде објавена. Задолжителните полиња се означени со *

Вчитувам

0
Новите генерации BMW M3 и M4 созреваат на тркачките патеки

Новите генерации BMW M3 и M4 созреваат на тркачките патеки

Kia Seltos

Според возачите во САД: Први Kia и Mitsubishi, последни Land Rover и Tesla