162
21 shares, 162 points

Техничкиот универзитет во Инголштат од претстојниот зимски семестар воведува додипломски студии за техника за автономно возење.

Од зимскиот семестар 2020/21, на Техничкиот Универзитет во Инголштат се отвора катедра за инженеринг за автономни возила. За седумте семестри студии на англиски јазик може да се пријават кандидати од цел свет, за развој на решенија за високоавтоматизирано и автономно возење. Предавањата ќе се одвиваат на Факулеттот за електро- и информациска техника.

Во текот на студиите, идните инженерки и инженери ќе стекнуваат стручни познавања од електро и информациската техника, како и од подрачјето на софтверски инженеринг. Овие интердисциплинарни познавања се неопходни со цел да се развиваат автоматизиранни или автономни системи за мобилност. Индустријата вложува многу во ова подрачје, коешто ветува повисока ефикасност и одржливост.

Студентите за време на додипломските студии ќе стекнат стручност во подрачјата на сензориката, сензорските системи и функцијата на податоците од сензорите, во софтверски развој базиран на модел и во интелигентна алоритмика (за изработка на стратегија на возење), како и познавања за управување и регулација со актори (за безбедна реализација на стратегијата на возење). Студентите практично ќе го применуваат своето знаење во групни проекти и ќе се запознаваат со работата на меѓународни тимови. Можно е дуално студирање.

Пријави за зимскиот семестар 2020/21 се поднесуваат до 20-ти август. За повеќе информации може да се посети следната врска.

https://www.thi.de/en/electrical-engineering-and-information-technology/degree-programmes/autonomous-vehicle-engineering-beng


Ти се допаѓа? Сподели со пријателите!

162
21 shares, 162 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *