за

SsangYong Korando во комплетно ново издание во Женева

SsangYong Korando IV Zeneva 1910

Специјалистот за теренски возила најавува светска премиера за четвртата генерација на SsangYong Korando на салонот во Женева. Изгледот и досега не беше слаба страна на марката, Корејците ветуваат просторна кабина и високи безбедносни стандарди.

Дизајнерските испади на SsangYong со втората генерација на Korando, со купе-теренецот Musso или со легендарно грдиот Rodius се веќе заборавени. Актуелните модели значително го поправија впечатокот за корејската марка, иако во поглед на механиката и издржливоста, кај SsangYong отсекогаш било сé во ред. Главно.

Korando наскоро преоѓа во нова, четврта генерација. Смената ќе се изврши на салонот во Женева, во почетокот на следниот месец. Изгледот во основа го следи стилот што беше прикажан со студијата SIV-2 во 2016 година, исто така на швајцарскиот салон.

Новото издание спојува современ изглед со добро изработена и просторна внатрешност. На тоа се надоврзува свеж арсенал од системи за асистенција и безбедност, како и нови можности за поврзување со телефонот.

Стилски мошне „впечатливо“ изведена маска и светла што ја следат формата на маската

Дизајнерите се особено горди на изгледот на предната маска, односно на една обична ламела, што ефектно ја заменува класичната маска. Овој стил се надоврзува со предните светла, создавајќи спортски впечаток.

Според најавите од SsangYong, патниците ќе добијат повеќе слободен простор над главата отколку во кој било од конкурентските модели. Во некои детали, марката сепак останува чекор зад авангардата. Така, на пример, се најавува дуален систем за навигација, односно прикажување на информациите на големиот дисплеј во средината на таблата и на дигиталниот дисплеј од 10,25 инчи кој ги заменува класичните инструменти.

Вредностите по коишто познавачите ја ценат оваа марка сепак се други. Премиерата е на 5-ти март, на салонот покрај Лак Леман.

New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
Објава на инстаграм со автомобилот што не отсуствува од ниту една листа на најгрди модели во историјата

SsangYong Rexton најдобар избор за парите според „4х4 Magazine“

SsangYong со седумгодишна гаранција на британскиот пазар

SssangYong го враќа носорогот во понудата

SsangYong ќе претстави концепт на електричен теренец во Женева

 

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

skoda vision iv внатрешност

Skoda Vision iV прикажува сосем различна внатрешност

Mercedes CLA pocetok proizvodstvo

Уште еден дизајн на Славче Таневски стартува со производство