за

SsangYong ќе претстави концепт на електричен теренец во Женева

ssangyong e-siv zeneva

Корејскиот специјалист за теренци ќе претстави концептно возило со електричен погон на салонот во Женева. SsangYong e-SIV го прикажува изгледот на следната генерација на Korando.

SsangYong веќе го претставува својот петти концептен автомобил со погон на струја. На салонот во Женева пристига e-SIV, како теренец од компакт класата. Според корејскиот производител, станува збор за стратешки модел кој прикажува како во иднина ќе функционираат електричниот погон, конективноста и автономното возење во моделите на марката.

Кратенката e-SIV доаѓа од Electronic Smart Interface Vehicle. Неколку решенија за поврзување со мобилни уреди и системи за асистенција од концептниот автомобил ќе бидат применети во следните генерации модели на SsangYong.

Дизајнот речиси стопроцентно го прикажува изгледот на новиот Korando. Концептниот теренец е долг 4,46 метри, широк 1,87 и висок 1,63 метар, со меѓуоскино растојание од 2,67 метри. За погон служи електромотор со моќност од 140 киловати, односно 190 КС. Батеријата се полни до 80% за 50 минути, нејзиниот капацитет е доволен за досег до 450 километри. Крајната брзина е ограничена на 150 километри на час.

SsangYong e-SIV е петтиот концептен автомобил со електричен погон од „корејскиот Land Rover“, по KEV1 во 2010, KEV2 (2011), e-XIV (2012) и Tivoli EV-R од салонот во Женева пред две години.

Јужна Кореја е светски шампион во субвенционирање на електричните автомобили

Париз 2016: SsangYong најавува луксузен теренец

SsangYong Tivoli е големото изненадување меѓу кросоверите

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Енцо Ферари, 120-годишнина

Енцо Ферари е роден пред 120 години

peugeot лав женева салон

Peugeot со џиновска скулптура на лав во Женева