143
20 shares, 143 points

BMW M5, Mercedes-AMG GT R и Audi R8 постигнуваат многу и имаат широк круг на обожуватели. Тоа е неоспорно. Но, исто толку е неоспорно и дека моделите што излегуваат од Mercedes-AMG, M GmbH или Audi Sport им носат екстра заработки на своите матични марки. Овој „трик“ сега сакаат да го применат и големосериските марки.

Renault Alpine

Французите неодамна ја вратија во живот марката чиешто име директно асоцира на тркачка патека. Renault уште во 1973 година ги откупи акциите во Alpine, а пет години подоцна стана и целосен сопственик на легендарната марка. Автомобилите што беа развиени под режија на Renault сепак не го постигнаа успехот на оригиналните модели на Alpine. Производството престана во 1990-те години.

Alpine A110 1

Alpine се врати во 2014 година, а лани започна и продажбата на A110. Именуван по култниот тркач од 1960-те години, новиот Alpine е чистоквен спортист, со алуминиумска конструкција и врвни возни својства и перформанси. Воведната серија од 1955 примероци, во знак на годината на основање на марката, беше расподадена уште пред кој било купувач да седне во возилото. Цената: 58.500 евра.

Alpine A110 00010

Во фабриката во Диепе моментно се изработуваат примероците од специјалната серија. Доколку се нарача сега, возилото ќе биде испорачано најрано за една година. Голема е веројатноста дека ќе следат и други модели во гамата, ова е сепак марка на Renault, а тие обожуваат да се тркаат. Екстремните спортски верзии на Renault Sport ќе продолжат да се појавуваат, но не под знакот на Alpine. Тоа се две различни марки.

Volvo Polestar

Polestar е две во едно: Свежо промовиран производител на престижни автомобили со електрифицирана погонска спрега и одделение за тјунинг. Polestar влече корени од 1966 година и од тркачкиот тим Flash Engineering, кој по промената на сопствеништвото во 2004 година станува Polestar. Тркачкиот тим користи модели на Volvo. Подоцна се појавуваат и тјунинг варијанти на сериските модели на шведската марка.

Електричниот автомобил на Volvo најавен за 2019 година

По преоѓањето под Volvo во 2015 година, Polestar ги нуди S60 и V60 со своето име и со мотори навиени на 367 КС, како пандан на M3 или C 63. Но, откако и Volvo преоѓа под кинескиот Geely, новиот сопственик бара Polestar да се позиционира како премиум марка со електрични автомобили.

Polestar 1 штотуку го заврши тестирањето во арктичките студови и се подготвува за стартот на производството. Скапото и претставително купе со цена од 155.000 евра, вози со 600 КС, комбинирани од бензински мотор за предната оска и два електромотора за задните тркала. В година следи Polestar 2, како конкурент на Tesla Model 3, а две години подоцна пристига и СУВ со погон на струја.

Toyota GRMN

Кратенката што звучи мистериозно за многумина, не означува друго освен „Gazoo Racing Master of Nürburgring”. Двете букви GR во иднина ќе се среќаваат кај повеќе модели и во повеќе варијанти, почнувајќи од GR-S за стилските надградби, преку GR за благ тјунинг, до GRMN за топ-верзиите.

toyota yaris grmn

Прв е Yaris GRMN, в година следи Auris, а се претпоставува дека ќе постои GRMN верзија и од новото купе Supra што се развива со помош на BMW.

Cupra

Cupra не е ниту нова, ниту се менува нешто друго, освен тоа што досегашните модели Cupra, место под знакот на Seat, ќе се продаваат под сопственото лого. Прв модел под знакот на тризабецот во бакарна боја е Cupra Ateca, со бензинец со 300 КС, четири издувни цевки и спортски седишта.

cupra stand zeneva

Веќе се прикажани и „студии“ на база на Ibiza и Arona. Нема најави дека ќе се развиваат посебни модели. Cupra ќе учествува и во мотоспортот.

Hyundai N

Спортските модели на Hyundai се водат под буквата N. Асоцијацијата е Намјанг, развојниот центар во Кореја, но и Нирбургринг. Автомобилите под овој знак се развиени користејќи ги искуствата на Корејците во мотоспортот. Организациски, моделите N не се поврзани со мотоспортот, туку само со одделението коешто изведува спортски варијанти од постоечките модели.

hyundai i30 n

За почеток има две варијанти од i30, едната со 250 КС, другата со 275 КС. Исто како кај Cupra, мала е веројатноста дека „N“ ќе развива посебни модели.

BMW M5 против Mercedes-AMG E 63 S на споредбен тест на Auto Bild

Овие суперспортски автомобили имаат помалку КС од Mercedes-AMG E 63 S

Alpina B3 S Bi-Turbo е џентлменската алтернатива на BMW M3


Ти се допаѓа? Сподели со пријателите!

143
20 shares, 143 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743