155
20 shares, 155 points

Автобусот Solaris Urbino 12 hydrogen, по неодамнешното деби на саемот за јавен превоз во Стокхолм, веќе добива големи нарачки. Во јавиот превоз во германските градови Келн и Вупертал наскоро ќе почнат да сообраќаат 25 ворододни автобуси.

Десет од нарачаните 25 автобуси се наменети за Вупертал, додека останатите 15 ќе се распределат по градските линии на Келн. Првите водородни автобуси ќе бидат испорачани уште годинава, следниот контингент ќе пристигне кон крајот на 2021 година.

Модулот од горивни ќелии во Solaris Urbino 12 hydrogen располага со моќност од 70 kW. Со едно полнење ќе се минуваат до 305 километри. Во горивните ќелии се одвива процес што е обратен на електролизата, при што се произведува електрична енергија за напојување на погонскиот електромотор – конкретно во Solaris Urbino 12 hydrogen работат два електромотори со моќност од по 110 kW, коишто се интегрирани во т.н. портална оска. Добавувач на ова погонско решение е гигантот ZF. Освен мала количина водена пареа, од погонот не излегува ниту грам штетни материи.

Дополнително на модулот со горивни ќелии, во автобусите за германските градови ќе се вградува и мала батерија, како помош при потреба од дополнителна моќ

Во нарачаните водородни автобуси ќе се вградува и погонска литиум-јон батерија од околу 30 kWh, којашто ќе асистира при поголема потреба од моќ. Оваа батерија во одредени услови ќе се полни со енергијата што ја произведува водородниот погон, но таа ќе ја акумулира и енергијата што се создава при сопирање.

New photo by Automedia MK / Google Photos

Водородот се чува во пет резервоари под притисок од 350 атмосфери. Вкупната зафатнина на резервоарите што се изработени од композит изнесува 1.560 литри, односно во нив се чуваат 37,5 килограми водород под притисок.

Автобусите за германските градови дополнително ќе поседуваат камери, за возачот да има увид дали во мртвите агли околу возилото има пешак или велосипедист, заради избегнување опасни сутуации.

Полскиот производител Solaris досега има добиено повеќе нарачки за автобусите што се вбројуваат меѓу најнапредните на пазарот. Два автобуси Urbino 18.75 electric се испорачани во Хамбург, и десет тролејбуси во Рига. Водородниот погон кај нив се активира во случај кога ќе се исцрпи акумулираната енергија во батеријата. Во италијанскиот Болцано исто така треба да пристигнат 12 автобуси со погон на водород во текот на 2021 година.

Полскиот Solaris доби нарачки за 500 електрични автобуси

 


Ти се допаѓа? Сподели со пријателите!

155
20 shares, 155 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *