за

Smart forease+ прави едноставноста да биде градска шема

smart forease+ zeneva

По студијата без покрив од салонот во Париз, за швајцарскиот следи нејзина изведба со покрив. Идејата е да се прикаже дека едноставното секогаш може да се направи уште поедноставно. Покривот на smart forease+ е поблиску до шаторско крило, отколку до покрив.

Марката со малечките, а паметни автомобили на Daimler подготвува покриена изведба на студијата smart forease за салонот во Женева, кој почнува на 7-ми март. Верно на принципот на едноставноста, верзијата со покрив се води како smart forease+, а соодветно на тоа и покривот се нарекува #rooflove.

New photo by Automedia MK / Google Photos

Скелетот на покривот е изработен од лесна, но цврста пластика, врз кого што е распнат платнен покрив. Кога времето повторно ќе се нормализира, покривот се отстранува лесно и се остава дома. Поевтино решение од тоа, тешко може да се замисли.

New photo by Automedia MK / Google Photos

Во урбаната средина, кадешто е природната средина на smart, сцената ги почитува паметните и штосни идеи како #rooflove. Странични прозорци не се предвидени, исто како и задно стакло. Сé е отворено. И едноставно.

Smart forease ја продолжува традицијата на smart forstars од 2012 и smart fourjoy од 2013 година

Стакло не се предвидува ниту за предните светла. Тие се состојат од три активни диодни елементи, кои даваат посебен печат. Слично се изведени и задните светла, кои го менуваат изгледот зависно од аголот на гледање.

New photo by Automedia MK / Google Photos

Бандажите се уште еден различен детал, со дизајн кој укажува на тоа дека smart во блиска иднина ќе вози само на струја. Основата на smart forease+ е серискиот модел smart EQ fortwo cabrio. Од 2020 година, целата моделска понуда на smart ќе се состои од електрични возила.

Smart во издание на спортски двосед во Париз

Како мини-марката smart стана милионска марка

Smart Fortwo не е Tesla, но е единствен кабриолет на струја

Smart со нарачка на автомобил преку интернет и испорака до дома

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Polestar 2 pretstavuvanje

Електричен и шведски Polestar 2 за 40.000 евра: Готово е!

Pininfarina Battista pretpremiera

Pininfarina како автомобилска марка: Battista со 1926 КС