155
20 shares, 155 points

Учесниците на Тур д’Франс на 28-ми јули ќе ја минат целта на Шампс-Елизе. За победниците во одделните категории е подготвен трофеј од кристално стакло, за чијшто изглед повторно се погрижи дизајнерското одделение на Skoda. Шефот за продажба во чешката марка Алан Фејви ќе ги врачи трофеите.

Видот на брусењето на кристалното стакло се поврзува директно со еден од најпрепознатливите печати на чешките мајстори за кристал, наречен „шпицштајн“ односно „камен со врв“. Малечки квадрати се брусени во форма на пирамида.

Трофеите ќе се изработат во фирмата Lasvit, во соработка со Петер Олах, дизајнер во Skoda. Тие се високи 60 сантиметри и тежат четири килограми, а изработени се од врвен мајстор на свои 75 години, кој ја има усовршено техниката. За секој трофеј биле потребни по три денови работа.

Вака изгледа изработката на кристалните трофеи за Тур дФранс

Најпознатата велосипедска трка во светот, во своето 106-то издание, стартуваше на 6-ти јули во Брисел, во чест на Белгијанецот Еди Меркс, петкратен победник на Тур дФранс.

Skoda годинава по 16-ти пат е главен партнер и добавувач со возила на велосипедскиот маратон.


Ти се допаѓа? Сподели со пријателите!

155
20 shares, 155 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *