Skoda ја проширува понудата од мотори за Scala и за кросоверот Kamiq со турбо-бензинец од 1,5 литар со 150 КС. При пониско оптоварување се исклучува дел од цилиндрите, заради штедење. Покрај мануелниот шестстепен менувач, може да се добие и 7-степен менувач со двојна спојка.
Понудата од мотори за Skoda Scala и Kamiq сега опфаќа вкупно три бензинци и еден дизел, во дијапазон меѓу 95 и 150 КС. Сите мотори TSI се опремени со филтер за честички за бензински мотори со директно впрскување.
Моторот 1.5 TSI веќе е достапен во моделите Scala и Kamiq на германскиот пазар, во комбинација со нивоата на опрема Ambition и Style. Редовната цена на Scala со новиот мотор и ниво на опрема Ambition, на германскиот пазар изнесува 23.750 евра, додека Kamiq 1.5 TSI ACT Ambition таму чини 24.300 евра.
Најсилен бензинец во понудата досега беше 1.0 TSI со 115 КС. На нашиот пазар, Skoda Scala со овој мотор почнува од 15.180 евра во нивото Ambition. Нашиот тест на моделот можете да го прочитате на следниот линк.