129
18 shares, 129 points

Skoda во мај испорачала 104.900 возила на светскиот пазар. Тоа е за 6,6% помалку во споредба со лани и се должи првенствено на слабеењето на кинескиот пазар. На некои европски пазари, пак, чешката марка постигна двоцифрен пораст, како во Австрија (+21,9%) или Унгарија (+20,5%).

Најпродаван модел на Skoda во мај и натаму е Octavia. Новиот модел од компакт класата Scala штотуку стартува на неколку пазари. Близу половина од вкупната продажба или 45.300 возила отпаѓаат само на Западна Европа, кадешто има и раст од 2,5 проценти. Германија е најголем европски пазар, со 16.300 возила во мај (+8,4%).

Во подрачјето на Централна Европа, во мај биле испорачани 20.000 возила или 3,4 проценти повеќе од истиот месец лани. На домашниот пазар, Skoda има 9.000 продажби и раст од 3,7 проценти. Одлично напредува унгарскиот пазар, кадешто во мај биле испорачани 1.600 возила (+20,5%) . Во Словенија имало 800 нови сопственици на Skoda во мај (+2,2%).

New photo by Automedia MK / Google Photos

Источна Европа, без Русија, учествува со 4.900 испорачани возила и со солиден раст од 10,8 проценти. Со 700 примероци, во Бугарија се продале речиси двојно повеќе возила отколку во мај лани (+90,3%).

Русија исто така е растечки пазар за Skoda, со 7.000 возила во мај и раст од 16,8 проценти. Кина е најголем единечен пазар за марката и во минатиот месец таму биле испорачани 21.100 возила. Тоа е драстичен пад од 31,5% во споредба со мај 2018 година.

Испораки на Skoda во мај по модели

SKODA OCTAVIA

31.800 (-9,1 % )

SKODA FABIA

15.100 (-11,1 %)

SKODA KODIAQ

14.000 (+3,6 %)

SKODA KAROQ

12.300 (+17,8 %)

SKODA RAPID

12.100 (-33,0 %)

SKODA SUPERB

9.900 (-17,3 %)

SKODA CITIGO

3.800 (+2,7 %)

SKODA KAMIQ (Кина)

3.100

SKODA SCALA

3.000

Skoda го подготвува и петтиот СУВ-модел за Кина

Пикапот од Skoda Kodiaq се вика Mountiaq и дело е на ученици

Skoda Citigo-e прв вози на струја за чешката марка на Volkswagen

Skoda Superb iV е хибрид што кај нас може да биде ослободен од 10% акциза

 


Ти се допаѓа? Сподели со пријателите!

129
18 shares, 129 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *