Дарко Јаконов
Патосници, калници, заштитни ленти за рабовите на вратите. Приборот што служи за заштита на возилото ужива највисока популарност меѓу ставките што Skoda ги нуди како оригинален прибор. Високо на листата на најпопуларни ставки се и сребрените и црните алуминиумски тркала со пречник до 18 инчи.
Возачките и возачите на Scala и Kamiq сакаат автомобилите да им изгледаат поспортски и често нарачуваат алуниниумски тркала. Најпродавана варијанта се тркалата Alaris од 16 инчи, кои Skoda ги нуди во сребрена и црна изведба. Мошне се популарни и Nanyq од 16 инчи, обично за зимскиот период, како и тркалата Stratos и Volant од 17 инчи.
Во понудата од тркала од 18 инчи, за Scala и Kamiq се наоѓа верзијата Blade, во сребрена, црна или графитна боја. За дополнителни бои, на располагање стојат Sirius, Vega и Vega Aero.
Skoda во својата понуда од прибор нуди и раткапни за челичните тркала. Најпопуларни кај Scala се раткапните Tecton за челични тркала од 16 инчи. Сопствениците често бараат и пластични калници за Scala или Kamiq. Тие се воедно и најпродаван прибор. Интересни за купувачите се и украсните алуниниумски плочки за рамката на предните врати, во различни бои и со натпис на името на моделот. За Scala се нуди дури и осветлена варијанта.
Со големиот багажен простор и практичноста на нивните Scala или Kamiq, сопствениците на двата модели избираат и подна облога за багажникот. Skoda во својот оригинален прибор има три варијанти на облоги: Платнена, гумена и комбинирана од платно од едната страна и гума од другата.
За заштита на товарниот раб на багажникот од гребење при товарање, може да се избере проѕирен филм што се лепи по должината на работ, или црн филм. На тоа следат уште мрежи, системи од држачи и слично. Кога багажникот ќе стане недоволен, тука се кровните шини, на кои може да се прицврсти багажник или носач за велосипеди.
Тест: Skoda Octavia 2.0 TDI DSG Style
