153
20 shares, 153 points

Skoda Octavia 1.5 TSI е најштедлив модел со бензински мотор во средната класа, според клубот АДАК. Чешката лимузина во новата генерација ги задржува предностите и во поглед на трошоците за одржување, како и во задржувањето на вредноста, цени клубот.

Според пресметките на клубот АДАК, најштедлив бензинец во средната класа моментно е Skoda Octavia со 1,5 литарски мотор со 150 КС – и со технологијата ACT за исклучување два цилиндри при пониско и средно оптоварување. Вредноста од 5,6 литри е пресметана според новата норма WLTP, којашто е многу пореална во споредба со претходната NEDC. Оваа бензинска варијанта на новата Octavia е во предност во својата класа и во поглед на вкупните трошоци по километар, вкупните трошоци за одржување, како и во задржувањето на вредноста.

Клубот редовно ја пресметува потрошувачката на гориво и јасно ги посочува моделите со бензински мотор што постигнуваат најниска потрошувачка, а со тоа и најниска емисија на СО2. Пресметките на АДАК за четири класи возила се базираат врз официјалните податоци за потрошувачката и емисијата според нормата WLTP што е блиску до реалната потрошувачка.

Автомобилскиот клуб ги пресметува и вкупните трошоци на месечно ниво. Во тоа спаѓаат амортизација, даноци и осигурување, сервисен преглед, замена на потрошни делови, замена на гуми и трошок за гориво, за годишен турнус од 15.000 километри. Овие трошоци за Skoda Octavia 1.5 TSI ACT изнесуваат 50,2 центи по секој минат километар. Тоа е далеку пониска вредност во споредба со конкурентите во средната класа.

Skoda Octavia nova

Skoda Octavia со бензинецот со 150 КС и ниво на опрема Ambition, на чешкиот пазар стартува од 596.900 круни, односно околу 22.400 евра. Во понуда се уште две варијанти на 2.0 TDI, со 115 и со 150 КС. Понатаму ќе следи и изведба со 1,0-литарски бензинец.

Уште еднаш се докажува корисноста на онлајн-прегледот на возилата на лагер што Порше Македонија го организираше уште рано во почетокот на корона-кризата. Моментно на плацевите на компанијата има останато уште една Octavia, со 1.0 литарец со 115 КС и ниво Ambition, во сива металик боја, со цена од 15.400 евра, вклучувајќи и десетина ставки од дополнителната опрема. За пристигањето на новиот модел уште нема најава.

Порше Македонија со 1.000 бонус за онлајн-купување

 


Ти се допаѓа? Сподели со пријателите!

153
20 shares, 153 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *