148
39 shares, 148 points

При замена на стар дизел со Skoda Octavia G-Tec со погон на метан, германските дилери нудат еко-премија од 2.000 евра и дополнителен бонус од 5.000 евра. Уште еден G-Tec модел на Skoda ја добива привилегијата.

Понудата од возила со погон на метан станува сé позабележлива во концернот Volkswagen. Тоа е дел од новата стратегија на коцернот, поттикната по дизел-скандалот, којашто подеднакво ја опфаќа и премиум-марката Audi, како и чешката Skoda. До крајот на годинава, за купувачите на Skoda Octavia G-Tec во Германија следува вкупен попуст во висина од 7.000 евра, доколку стариот дизел со норма според Еуро 1 до Еуро 4 го испратат во отпад.

Станува збор за возила со бивалентен погон на метан, што значи дека може да се вози и чисто на бензин. Попустот за помалиот модел Citigo G-Tec изнесува до 3.750 евра. Според чешката марка, предностите на погонот се во безбедното користење, ниската цена на горивото и релативно чистата емисија. Skoda ги прифаќа старите модели со дизел мотор според нормите Еуро 1 до 4 од сите марки.

Трипати пониски трошоци со Skoda Octavia G-Tec: Според македонските цени, 144 денари за 100 километри на метан, наспроти 422 денари на бензин

Во Skoda Octavia G-Tec работи 1,4-литарски TSI со 110 КС, којшто како погонско гориво може да користи и метан и бензин. При погон на метан, емисијата на СО2 изнесува само 98 g/km, со потрошувачка од 4,5 килограми метан на сто километри градско возење. Опција е седумстепен DSG со двојна спојка. Лимузината и комбито стандардно се испорачуваат со пакетот Green tec, којшто содржи старт-стоп систем и повраток на енергијата при сопирање. Кога двата резервоара се полни, Octavia G-Tec теоретски може да извози до 1.330 километри без запирање (910 km на бензин и 420 km на метан). Цената со попуст изнесува 15.250 евра.

Градскиот модел Citigo исто така профитира од попустот во висина од 3.750 евра, така што цената изнесува 8.970 евра. Пакетот Green tec е стандард, погонот е 1.0 MPI со 68 КС и просечна потрошувачка од 2,9 килограми метан на 100 километри.

Примената на метанот во Македонија уште е во почетна фаза и се сведува првенствено на залагањето на Макпетрол во изградбата на соодветната инфраструктура. Моментно функционираат четири станици за метан, на „Партизанска“ и во Влае во Скопје, во Куманово и во Градско. Компанијата вградува и уреди за метан во возилата. Цената на килограм метан во моментов изнесува 32 денари.


Ти се допаѓа? Сподели со пријателите!

148
39 shares, 148 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3730