143
31 shares, 143 points

Купе-теренецот Skoda Kodiaq GT ќе се продава само на кинескиот пазар, како локален топ-модел на чешката марка. Тоа ја зголемува неизвесноста: Кое и какво ќе биде европското СУВ-купе?

Кај Skoda месеците минуваат како денови. Пред само неколку денови, Skoda Kodiaq GT за јавноста постоеше само како скица. Денес, Чесите веќе го прикажуваат големото СУВ-купе во неговата конечна форма. GranTurismo изведбата на Kodiaq ќе биде нов топ-модел на Skoda во Кина – и само во Кина. Привилегија и ексклузивитет на најголемиот пазар во светот ќе биде да има четири СУВ-модели во понудата: Kamiq, Karoq, Kodiaq и Kodiaq GT.

Skoda Kodiaq GT 3

Официјалната премиера на чешкиот X4 ќе се случи на салонот во Гуанжу, од 16-ти до 25-ти октомври. Носот на првото СУВ-купе на Skoda го карактеризира широка хауба, црна рамка околу маската и хромирани двојни ребра во неа. Моќ даваат графиката на диодните светла и профилираниот браник со широки отвори за воздух.

Иако Skoda Kodiaq GT би требало да изгледа само како верзија на оригиналот со закосен опаш, резултатот е хармонична и згодна појава

Главниот „детал“ сепак е линијата на покривот, којашто почнува да се спушта веднаш зад предните врати. Арките во задните крила се нагласени дополително, исто како и страничните прагови, со додатоци во мат боја. Задните светла имаат сосем различен дизајн, со нагласок на формите на кристалите, коишто се користат како стилска инспирација во актуелниот дизајн на Skoda. Широката рефлекторска лента, заедно со црниот и масивен дифузор, го заокружува робусниот изглед на опашот. Како прв сериски модел на Skoda во Кина, името на марката е испишано со посебни букви на задниот капак. И новата Skoda Scala ќе го користи истиот детал.

Skoda Kodiaq GT 1

Виртуелниот кокпит следува како стандард за кинеските возачи. Како големи фанови на социјалните мрежи и мобилните апликации, тие добиваат и пристап на интернет преку WLAN, како и мобилни услуги преку MirrorLink, Apple CarPlay или Baidu Carlife.

Во понудата од мотори влегуваат две погонски единици: Дволитарски TSI со 186 КС, во варијанта со погон напред, и верзија на истиот мотор со 220 КС, којашто стандардно се испорачува во комбинација со погон на сите тркала и седумстепен менувач со двојна спојка. Од системите за асистенција се вградуваат помош при менување лента и радарски темпомат, со самостојно поаѓање и запирање во застој.

Skoda Kodiaq GT 4

Skoda се врати на кинескиот пазар во 2007 година, за три години подоцна, тој да стане најголем пазар за марката. Лани Чесите продадоа 325.000 возила во азиската земја, односно една четвртина од продукцијата. До 2022 година, Skoda вложува над две милијарди евра во проширување на понудата од СУВ-модели и во дополнувањето со алтернативни погонски варијанти.

Rapid станува Skoda Scala и вози самоуверено во класата на Golf


Ти се допаѓа? Сподели со пријателите!

143
31 shares, 143 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743