Непосредно пред утрешната светска премиера, Škoda ги објави фотографиите од новиот теренец Kodiaq. Вообичаено за концернот, внатре владее униформноста на Volkswagen и тука нема изненадувања. Тоа што имаат да го понудат Чесите повторно е практичност и едноставност во секојдневието.
Škoda го прикажува ентериерот на новиот Kodiaq неспоредно пред утрешната премиера. Во кокпитот се препознаваат стандардните групи прекинувачи и полиња за ракување што се веќе видени во останатите модели од концернот Volkswagen и силно ја одредуваат атмосферата на работното поле на возачот. Тоа што чешките дизајнери го примениле да побегнат од униформноста се единствено вертикалните отвори за воздух, коишто внесуваат мала доза препознатливост во кокпитот на големиот брат на Yeti.
Командната табла е поделена на два симетрични дела за возачот и совозачот, со два вертикални отвори за воздух околу големиот средишен дисплеј. Над дисплејот продолжуваат два раба што формираат трапез и на тој начин ја цитираат хаубата на Kodiaq. Во секој случај, дизајнот на кокпитот го става квалитетот на изработка и на применетите материјали во прв поглед, верно на примерот со лимузинскиот знаменосец Superb. Големиот теренец на Škoda пристига и со нови седишта, со квалитетни облоги и примерен комфор.
Многу посилен адут на Kodiaq од дизајнерската препознатливост во кокпитот е просторноста. Škoda тврди дека го има најголемиот ентериер при должина на каросеријата од 4,70 метри и ширина од 1,88 метри. Спорскиот теренец на Škoda е прв модел достапен со седум седишта.
Чешката марка обично се занимава повеќе со практичноста и функционалноста, па така и третиот ред седишта во Kodiaq лизга надолжно, за просторот да се приспособи според потребите. Импресивна е бројката за зафатината на багажниот простор од 720 литри. Секако дека тоа е рекорд во сегментот на теренецот. „Практичарите“ на Škoda набројуваат над 30 практични решенија во стилот на мотото Simply Clever, вклучувајќи заштита на рабовите на вратите, иновативна заштита за детско седиште и потпирачи за глава што се поставуваат во положба за спиење.
Премиерата на Škoda Kodiaq ќе се случи утре на 1-ви септември, со директен пренос на интернет, почнувајќи во 19 часот. Истата ќе можете да ја следите на следниов канал на YouTube