160
21 shares, 160 points

Skoda Kamiq е прв СУВ на чешката марка што ќе биде достапен во изведбата Scoutline. Популарниот модел доби неколку каросериски додатоци и диодни задни светла, премиерата е на салонот во Женева во март.

Skoda Kamiq прво се покажа во спортската изведба Monde Carlo, сега е ред малечкиот СУВ да ја покаже и својата „груба“ страна. Новата изведба Scoutline се препознава по мат црните арки на крилата, по впечатливите сребрени додатоци на каросеријата, по задните светла што во целост користат диодна техника, а секако и по големите бандажи од 17 или 18 инчи. Кросоверот со авантуристички дух ќе ја има својата светска премиера на салонот во Женева, во март.

Предниот спојлер е посебен за Scoutline и содржи стилски додаток налик на заштита на подвозје, во сребрена боја. Во истиот стил се изведени и дифузорот во задниот браник, страничните прагови, капите на ретровизорите и шините на покривот. Контраст со овие елементи што се лакирани во сребрена боја прават затемнетите задни стакла и хромираните рамки на прозорците. Стандардно се вградуваат бандажи од 17 инчи со дизајн Braga, а со доплата следи еден инч повеќе и дизајн Crater. Двете изведби се во боја на графит и полирани се.

Термо-флукс седишта и посебни украсни лајсни во внатрешноста

Нагласок во внатрешноста ставаат украсните лајсни, кои стандардно се налик на јасеново дрво, а со доплата лајсните може да бидат во потемна изведба и со „четкан“ финиш. На тоа се надоврзуваат отвори за воздух со изглед на хром и алуминумски додатоци врз педалите.

Предните седишта се обложени со посебно платно што се нарекува Термофлукс и се одликува со висока пропустливост, во комбинација со микрофибер. Воланот, рачката на менувачот и паркирната сопирачка се обложени со кожа. За диодното осветлување може да се избира бела, црвена или портокалова боја. Како опција се вградува и црн таван.

Новата изведба Scoutline може да се комбинира со целата понуда од мотори, којашто вклучува три бензинци, еден дизел и еден мотор што работи на метан, во дијапазпн од 90 до 150 КС.

New photo by Automedia MK / Google Photos

Ти се допаѓа? Сподели со пријателите!

160
21 shares, 160 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *