182
23 shares, 182 points

Skoda почна да вози и на струја. Исто како што Volkswagen ја има подмарката ID за своите електрични возила, така и чешката марка во концернот ја основа iV. Во следните пет години, Skoda ќе вложи две милијарди евра во развој на модели на струја и во нови услуги. Секако дека тоа е најголемата инвестициска програма на марката досега.

Предвидувањата се дека околу една четвртина од продажбата на Skoda во 2025 година ќе отпаѓа на електрични автомобили. Два модела од новата подмарка iV имаа премиера во Братислава, Словачка, во рамките на светското првенство во хокеј, кадешто Skoda е главен спонзор долги години. Skoda Citigo-e iV вози само на батерија, додека Skoda Superb iV користи плагин-хибриден погон, кој повеќе одговара за неговата намена како крстосувач што совладува долги релации.

New photo by Automedia MK / Google Photos

Заедно со новите модели се подготвени и ѕидни полначи, како и посебни мобилни апликации, корисни на пример за наоѓање на најблискиот полнач за струја. Сопствениците на модел од смејството iV добиваат и посебна картица Skoda e-charge, која што овозможува едноставно полнење ширум Европа, без разлика кој е операторот со мрежата од полначи.

Првата буква во ознаката iV асоцира на иновативност и интелигенција, додека V е за „vehicle, односно возило

До крајот на 2022 година, Skoda ќе нуди повеќе од десет модели со хибриден или чисто електричен погон во семејството модели iV. Веќе в година следи и првиот автомобил на струја на Skoda, што ќе се базира врз посебната платформа MEB на концернот. Тоа ќе биде сериска изведба на СУВ-купето Vision iV.

New photo by Automedia MK / Google Photos
Skoda досега има обучено повеќе од 11.000 работници за производството на електрични автомобили

Хибридниот Superb iV ќе се произведува во неодамна проширената фабрика во Квасини, додека за идните електрични модели ќе биде задолжена Млада Болеслав. Освен автомобили, таму уште од годинава ќе започне изработката на компоненти за модели со плагин-хибриден погон и за останатите марки во концернот.

До средината на следната декада, во фабриките во Млада Болеслав, Квасини и Врхлаби, но и околу нив, Skoda ќе постави близу 7.000 полначи. Таа инвестиција ќе вреди околу 32 милиони евра.

Новото годиште на Superb е прва Skoda со матрични светла

Skoda го произведе 22-милионитиот автомобил

Екс-дизајнерот на Skoda ќе црта за Rolls-Royce

Тест: Skoda Fabia 1.0 TSI Ambition


Ти се допаѓа? Сподели со пријателите!

182
23 shares, 182 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *