за

Skoda изнајмува електро-скутери во Прага: Една минута, 10 денари

skoda auto digilab BeRider
skoda auto digilab BeRider

Дигиталната лабораторија на Skoda повторно е активна. Одделението на Чесите што се занимнава со новите видови на мобилност нуди јавно достапен возен парк од електрични скутери за користење низ Прага. Засега е пробно, една минута изнајмување чини 19 евроценти или околу десетина денари.

Електричните скутери BeRider користат две литиум-јон батерии, поседуваат диодни светла и диск сопирачки напред и назад. Ниската тежина обезбедува лесна управливост, додека големите тркала и стегнатата амортизација се грижат за стабилност. Вообичаено за е-погонот, скутерот поаѓа мошне убедливо. Крајната брзина е 66 km/h, досегот изнесува 70 километри.

Идејата на Skoda е со BeRider да понуди флексибилен и чист превоз во центарот на големите градови. Тоа е воедно и главната задача на новото одделение Skoda DigiLab. Електро-скутерите се очекува да се користат за превоз до работа или за туристички тури низ градот. Секој BeRider е опремен со сензори, кои испраќаат податоци во реално време. Овие податоци може понатаму да се користат за подобрување или проширување на услугата.

На воланот се наоѓа држач за мобилен телефон, за туристите да имаат добар преглед до апликацијата за навигација при тури низ градот. Преку УСБ-приклучок може воедно да се полни телефонот или други преносни уреди при возењето.

Најголемата корист во принципот на BeRider е тоа што скутерот по користењето може да се остави на било кое место што одговара. Следниот корисник подоцна ќе го лоцира најблискиот скутерот и ќе може да го стартува користејќи мобилна апликација. Централата во исто време ја следи наполнетоста на батеријата и интервенира.

Услугите за споделување превоз, кои овозможуваат мобилност без штетна емисија и ги почитуват локалните законитости во Прага, ги цениме како мошне позитивен придонес за нашиот град.
Зденек Хриб, градоначалник на Прага

За користење на BeRider е потребно да се преземе апликацијата за iOS или Android. По регистрирањето, апликацијата ги прикажува најблиските скутери. Таа се користи и за отклучување и заклучување на возилото. Двата шлемови се оставаат во куферот по крајот на возењето. Изнајмувањето се наплаќа преку кредитна картичка. Цената по минута изнесува 5 круни или 0,19 евроценти, односно нешто повеќе од 11 денари.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Adria Astella

Словенечка Adria понуди вистински дом на тркала

volkswagen new urban coupe

Бразилскиот Volkswagen ќе прави кола за светот: Oдговор за Dacia