137
20 shares, 137 points

Возачите останаа заглавени неколку часови по улиците на Сиднеј. Причината за застојот среде работен ден беше невообичаена. Австралиската полиција се обидуваше да го приведе човекот кој се качил на мостот Харбур. На полициските службеници им беа потребни пет часови да го опколи човекот и да го спушти од мостот. На снимките се забележува дека човекот во еден момент им сигнализира на полицајците да му се јават на мобилниот телефон. По вратоломниот подвиг, човекот бил однесен во болницата Сент Винсент, кадешто лекарите утврдиле психичко растројство.

Полициската акција предеизвика сообраќаен хаос во најголемиот град во Австралија. Голем број луѓе пристигнале на работа со неколкучасовно задоцнување. Локалните медиуми објавија дека човекот се искачил на мостот уште рано наутро, околу 4:30 часот. Службите во градот се извинија за сообраќајниот застој и појаснија дека освен бодликава жица не постои друга можност за спречување на пристапот на лица врз конструкцијата на мостот.

Полицијата најави дека ќе поднесе соодветни обвинувања против човекот по завршувањето на неговиот психијатриски третман.

 


Ти се допаѓа? Сподели со пријателите!

137
20 shares, 137 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *