Shell планира да изгради преку 10.000 нови станици за гориво до 2025 година. Половината од новоотворените станици ќе располагаат со продавница. Со ова проширување на мрежата, нафтениот гигант очекува дополнителна заработка од најмалку 1,5 милијарда долари на годишно ниво.
Компанијата има големи очекувања од огранокот што е задолжен за бизнисот со станиците за точење гориво и продавниците. Преку зголемувањето на бројот на локации што го носат логото на Shell, британско-холандската нафтена компанија (целосното име е Royal Dutch Shell) сака да ја искористи репутацијата на брендот.
Мрежата на Shell моментно се состои од 44.000 станици за гориво. Половината од новите станици ќе се отворат на растечките пазари, односно во Кина, Мексико, Индија, Индонезија и Русија. Бизнисот со станиците за гориво и продавниците лани остварил заработка од 2,2 милијарди долари. Паралелно се планира и проширување на понудата од дигитални услуги, како и услуги за мобилност.
Shell се придружува во поставувањето полначи за електрични возила
Shell има замисла за градски автомобил на иднината
Shell развива штедлив градски автомобил