за

Овој четирицикл со електро-помош влегува во производство в година

schaeffler bio hibrid
schaeffler bio hibrid

Добавувачот на автомобилските производители Schaeffler веќе е во напредна фаза со испробувањето на својот Био-Хибрид по велосипедските патеки и улици низ Германија. Протипите на четирициклот со електромотор што го олеснува вртењето на педалите располагаат со сите функции на возилата што ќе започнат да се произведуваат сериски кон крајот на 2020 година.

При пробните возења се оценуваат различните можности за примена на патничката и на товарната изведба, во услови на градски сообраќај и во затворени подрачја. Се предвидува возилата да се користат во логистиката, доставата на пратки, транспорт на материјали, фабричко обезбедување и во кетерингот.

Патничката изведба поседува две седишта, додека товарната изведба има куфер-надградба или отворена товарна платформа и носивост од 200 килограми. Иако Био-Хибрид поседува четири тркала и тежи околу 100 килограми, спаѓа во категоријата на велосипеди со помош од електромотор. Возилото е широко 90 сантиметри и долго 2,18 метри во патничката, односно 2,6 метри во товарната изведба. Крајната брзина изнесува 25 km/h. Електромоторот со моќност од 250 вати асистира околу педесетина километри.

New photo by Automedia MK / Google Photos
New photo by Automedia MK / Google Photos

 

 

Какво е Вашето мислење

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Коментари

Напишете коментар

Вашата адреса за е-пошта нема да биде објавена. Задолжителните полиња се означени со *

Вчитувам

0
Mitsubishi L200

Mitsubishi L200: Цврст како Pajero, удобен како Galant

Автомобилите Tesla за малку можело да добијат друго име